- Аманнга алтын чыдамаз.
- Джыйырма къойну юч джыйырма эбзе кюте эди.
- Къуру гыбыт бек дыгъырдар.
- Джумушакъ терекни къурт ашар.
- Ашарыкъда сайлагъаннга – чий гырджын.
- Джарлы тюеге минсе да, ит къабар.
- Адебсиз адам – джюгенсиз ат.
- Кёлю джокъну – джолу джокъ.
- Акъыллы айтыр эди, акъылсыз къоймайды.
- Башсыз урчукъ тюзюне айланмаз.
- Ишлегенден, къарагъан уста.
- Аджал соруб келмез, келсе, къайтыб кетмез.
- Айырылгъанланы айю ашар, бёлюннгенлени бёрю ашар.
- Ёгюзню мюйюзюнден тутадыла, адамны сёзюнден тутадыла.
- Биреуню тёрюнден, кесинги эшик артынг игиди.
- Джарашыу сюйген – джалынчакъ.
- Аман эсирсе, юйюн ояр.
- Мадар болса, къадар болур.
- Суугъа – чабакъ, къаягъа – ыргъакъ.
- Сёз сёзню айтдырыр.
- Тенгни тенглиги джашай барсанг билинир.
- Кюн – узун, ёмюр – къысха.
- Эл элде бирер малынг болгъандан эсе, бирер тенгинг болсун.
- Гырджын – тепсини тамадасы.
- Огъурлуну сёзю – суу, огъурсузну сёзю – уу.
- Булут кёкге джарашыу, уят бетге джарашыу.
- Джигер – джаннга къыйынлыкъ.
- Тёрдеги кюлсе, эшикдеги ышарыр.
- Эки ойлашыб, бир сёлешген.
- Азыкъ аз болса, эртде орун сал.
- Ёзденликни джайгъан – джокълукъ.
- Ойнай билмеген, оюн бузар.
- Ашын ашагъанынгы, башын да сыйла.
- Эки итни арасына сюек атма, эки адамны арасында сёз чыгъарма.
- Чакъырылмагъан джерге барма, чакъырылгъан джерден къалма.
- Къызын тута билмеген, тул этер, джашын тута билмеген, къул этер.
- Сютню башын джалагъан къутулур, тюбюн ичген тутулур.
- Къууут – джелге, берне – бошха.
- Эри аманны, къатыны – аман.
- Таукел адам тау тешер.
- Аз сёлешген, къайгъысыз турур.
- Кенгеш болса, уруш болмаз.
- Къазанчы аман болса, къазаны къайнамаз.
- Ариу сёз – къылычдан джити.
- Мен да «сен», дейме, сен да «кесим», дейсе.
- Джаш болсун, къыз болсун, акъылы, саны тюз болсун.
- Аджаллыгъа окъсуз шкок атылыр.
- Тау башында, тау болмаз, джангыз терек, бау болмаз.
- Таякъ этден ётер, тил сюекден ётер.
- Мени джылытмагъан кюн, меннге тиймесин!
РАЗНОЕ
|
Начштаба бригады Декушев:
|
||||
|
|
|
|||
Читают тему (гостей: 1)