Къарт болгъан джерде, берекет болур, сабий болгъан джерде, оюн болур.
Къайтырыкъ эшигинги, къаты уруб чыкъма.
Харам къарнашдан, халал тенг ашхы.
Къарнынг ауруса, ауузунгу тый
Къонакъ болсанг, ийнакъ бол.
Байны оноуу, джарлыгъа джарамаз.
Сагъыш – къартлыкъгъа сюйюмчю.
Джумушакъ терекни къурт ашар.
Къайгъыны сюйген, къайгъы табар.
Суугъа – таянма, джаугъа – ийнанма.
Къонагъынгы артмагъын алма да, алгъышын ал.
Булут кёкге джарашыу, уят бетге джарашыу.
Рысхы джалгъанды: келген да этер, кетген да этер.
Берекет берсин деген джерде, берекет болур.
Иесиз малны бёрю ашар.
Тай асырагъан, атха минер.
Юйюнг бла джау болгъандан эсе, элинг бла джау бол.
Къатын къылыкъсыз, эр тынчлыкъсыз.
Терек ауса, отунчу – кёб.
Джылкъыдан – ат чыгъар, тукъумдан – джаш чыгъар.
Иши джокъну, сыйы джокъ.
Гитче джилтин уллу элни джандырыр.
Босагъа таш юйге кирмей эди, тыбыр таш эшикге чыкъмай эди.
Джюрек кёзден алгъа кёрюр.
Тилчи тилден къаныкъмаз.
Джан саулукъ бермей, сан саулукъ бермезсе.
Ёлмесенг да, къарт дамы болмазса?
Билимли ёлмез, билимсиз кёрмез.
Зар адамны насыбы болмаз.
Адам боллукъ, атламындан белгили болур.
Айырылгъанланы айю ашар, бёлюннгенлени бёрю ашар.
Кёлю джокъну – джолу джокъ.
Бек анасы джыламаз.
Кеси юйюмде мен да ханма.
Халкъны юйю – туугъан джери.
Джылыгъа джылан илешир.
Джаралыны джастыгъында сау ёлюр.
Джарлыны тону джаз битер.
Таукел тауну аудурур.
Ач, тоймам, дейди, тойгъан, ач болмам, дейди.
Атадан ёксюз – бир ёксюз, анадан ёксюз – эки ёксюз.
Этни да ашады, бетни да ашады.
Арыгъан къош чамчы болур.
Сууда джау джокъ, кёб сёзде магъана джокъ.
Билмезни кёзю кёрмез, этмезни къулагъы эшитмез.
Кёб ант этген, кёб ётюрюк айтыр.
Кёз – сюйген джерде, къол – ауругъан джерде.
Юй ишлеген балта эшикде къалыр.
Киштикге къанат битсе, чыпчыкъ къалмаз эди.
Сёз садакъдан кючлюдю.
