- Къатын байлыкъны сюер, эр саулукъну сюер.
- Джашны джигитлиги сорулур, къызны джигерлиги сорулур.
- Кёзден кетген, кёлден да кетеди.
- От кюйдюрген, сау болса да, тот кюйдюрген, сау болмаз.
- Къая джолда джортма, ачыкъ сёзден къоркъма.
- Джаралыны джастыгъында сау ёлюр.
- Джан саулукъ бермей, сан саулукъ бермезсе.
- Баш – акъыл ючюн, акъылман – халкъ ючюн.
- Агъач халкъгъа алтынды, иссиликге салкъынды.
- Мураты болгъанны джюрек тебюую башхады.
- Бозаны арты дауур болур.
- Чакъырылмагъан джерге барма, чакъырылгъан джерден къалма.
- Джыгъылгъанны сырты джерден тоймаз.
- Эртде тургъан джылкъычыны эркек аты тай табар.
- Сабийни джумушха джибер да, ызындан бар.
- Иги бла джюрюсенг, джетерсе муратынга, аман бла джюрюсенг, къалырса уятха.
- Зар адамны насыбы болмаз.
- Къан бла кирген, джан бла чыгъар.
- Къаллай салам берсенг, аллай джууаб алырса.
- Минг тенг да азды, бир джау да кёбдю.
- Игини сыйлагъан адетди.
- Нафысынгы айтханын этме, намысынгы айтханын эт.
- Кёб джашагъан – кёб билир.
- Иесиз малны бёрю ашар.
- Чакъырылмагъан къонакъ къачан кетерин сормаз.
- Тил джюрекге джол ишлейди.
- Тойгъан джерден туугъан джер игиди.
- Ёгюзню мюйюзлери ауурлукъ этмейдиле.
- Ёзденликни кёбю ётюрюк.
- Ойнаб айтсанг да, эслеб айт.
- Акъыллы айтыр эди, акъылсыз къоймайды.
- Эркишини аманы тиширыуну джылатыр.
- Намысы болмагъанны, сыйы болмаз.
- Элни кючю – эмеген.
- Миллетни бойну – базыкъ, аны бла кюрешген – джазыкъ.
- Байны къызы баймакъ болса да, юйде къалмаз!
- Билим насыб берир, билим джолну керир.
- Экеулен сёлеше тура эселе, орталарына барыб кирме.
- Элде адам къалмаса, ит тахтагъа минер.
- Келлик заман – къартлыкъ келтирир, кетген заман – джашлыкъ ёлтюрюр.
- Чабакъ башындан чирийди.
- Аллахдан тилесенг, кёб тиле.
- Ата – билек, ана – джюрек!
- Акъыл къартда, джашда тюйюлдю – башдады.
- Бек анасы джыламаз.
- Къанны къан бла джуума, аманны аман бла къуума.
- Ёксюзню къалачы уллу кёрюнюр.
- Сютню башын джалагъан къутулур, тюбюн ичген тутулур.
- Садакъачыны джаны – къапчыгъында.
- Тин – байлыгъынг, терен саулугъунг.
- НФ - КЧР/КБР
Темы |
Ответы | Просмотры | Обновление | |
|---|---|---|---|---|
|
Новостной блок. Наши комментарии. (, , ... )
|
333 | 8414 | |
|
| 59 | 7900 | |
||
| 4 | 2376 | |
||
|
Чего нам не хватает? (, , , )
|
98 | 6500 | |
|
|
Къайсы ёзенденсе? (, , )
|
53 | 8367 | |
|
| 94 | 8034 | |
||
|
Аэропорт в КЧР (, )
|
39 | 12766 | |
|
|
Будущее Балкарии (, , )
|
64 | 6959 | |
|
| 63 | 9051 | |
||
|
миграционная считалка КЧР)) (, , , )
|
91 | 9476 | |
|
|
Закрыто: Король умер, да здравствует король!
|
10 | 2777 | |
|
| 51 | 7063 | |
||
| 26 | 6365 | |
||
| 13 | 3735 | |
||
|
о КЧР (, )
|
34 | 7430 | |
|
| 16 | 3408 | |
||
Сейчас на форуме (гостей: 2)