- Аман къатын сабий табса, бий болур…
- Къарын къуру болса, джюрек уру болур.
- Борчунг бар эсе, хурджунунга ойлаб узал.
- Ата Джуртун танымагъан, атасын да танымаз.
- Билмегенинги, билгеннге сор.
- Эте билген, этген этеди, эте билмеген, юретген этеди!
- Башланнган иш битер, къымылдагъан тиш тюшер.
- Уллу айтханны этмеген – уллаймаз.
- Акъыллы эркиши атын махтар, акъылсыз эркиши къатынын махтар.
- Тамбла алтындан бюгюн багъыр ашхы.
- Эри аманны, къатыны – аман.
- Сакъалы текени да бар, мыйыгъы киштикни да бар.
- Окъугъан озар, окъумагъан тозар.
- Ана къолу ачытмаз.
- Джарлыны тону джаз битер.
- Къаллай салам берсенг, аллай джууаб алырса.
- Сабийни джумушха джибер да, ызындан бар.
- Кенгеш болса, уруш болмаз.
- Биреуню эскиси биреуге джангы болмайды.
- Къазанны башы ачыкъ болса, итге уят керекди.
- Ачыкъ джюрекге джол – ачыкъ.
- Рысхы джалгъанды: келген да этер, кетген да этер.
- Юре билмеген ит, къонакъ келтирир.
- Чакъырылмагъан къонакъ тёрге атламаз.
- Къарт айтханны этмеген, къартаймаз.
- Эм уллу байлыкъ – джан саулукъ.
- Аз сёлешген, къайгъысыз турур.
- Къонагъынгы артмагъын алма да, алгъышын ал.
- Къоркъакъны кёзю экили кёрюр.
- Ишленмеклик адамлыкъды.
- Ётген ёмюр – акъгъан суу.
- От кюйдюрген, сау болса да, тот кюйдюрген, сау болмаз.
- Сакъ юйюне сау барыр.
- Тил бла келеди джыр да.
- Иесиз малны бёрю ашар.
- Бети къызарыучу адамны, джюреги харам болмаз.
- Магъанасыз сёз – тауушсуз сыбызгъы.
- Мураты болгъанны джюрек тебюую башхады.
- Итли къонакъ джарашмаз.
- Сютден ауузу кюйген, суугъа юфгюре эди.
- Къайтырыкъ эшигинги, къаты уруб чыкъма.
- Ёгюзню мюйюзюнден тутадыла, адамны сёзюнден тутадыла.
- Чабакъ башындан чирийди.
- Дуния малгъа сатылма, кесингден телиге къатылма.
- Джол бла сёзню къыйыры джокъ.
- Бал ашаргъа сюе эсенг, чибин ургъаннга тёз.
- Аманны тукъумуна къарама, игини тукъумун сорма.
- Чоюнну башы ачыкъ болса, итге уят керекди.
- Аууз сакълагъан – джан сакълар.
- Эрине къаргъыш этген къатын, эрнин къабар.
Национальный состав КЧР
Читают тему (гостей: 1)