Ач – эснер, ат – кишнер.
Кёлю джокъну – джолу джокъ.
Тойгъан антын унутур.
Ариу сёз – къылычдан джити.
Ёзденликни джайгъан – джокълукъ.
Билимли ёлмез, билимсиз кёрмез.
Аман адам элни бир-бирине джау этер.
Джумушакъ сёз къаты таякъны сындырыр.
Ашлыкъны арба юйге келтирир, чана базаргъа элтир.
Къолунгдан къуймакъ ашатсанг да, атаны борчундан къутулмазса.
Эртде тургъан бла эртде юйленнген сокъуранмаз.
Къыз келсе, джумуш эте келеди, къатын келсе, ушакъ эте келеди.
Сабийни джумушха джибер да, ызындан бар.
Джырына кёре эжиую.
Ёлюр джаннга, ёкюл джокъ.
Тойгъан джерге джети къайт.
Келлик заман – къартлыкъ келтирир, кетген заман – джашлыкъ ёлтюрюр.
Кёл – къызбай, къол – батыр.
Башынга джетмегенни сорма.
Уллу сёлешме да, уллу къаб.
Аллахдан тилесенг, кёб тиле.
Бозаны арты дауур болур.
Мухардан ач ычхынмаз.
Акъыллы айтыр эди, акъылсыз къоймайды.
Шекер бла туз – бир болмаз, ушамагъан – юй болмаз.
Иги джашны ышаны – аз сёлешиб, кёб тынгылар.
Окъугъанны бети джарыкъ.
Айтылгъан буйрукъ, сёгюлмез
Ашхы атаны – джашы ашхы, ашхы ананы – къызы ашхы.
Джаш болсун, къыз болсун, акъылы, саны тюз болсун.
Айтылгъан сёз ызына къайтмаз.
Тели турса – той бузар.
«Ма», - дегенни билмесенг, «бер», - дегенни билмезсе.
Татлы тилде – сёз ариу, чемер къолда – иш ариу.
Къайтырыкъ эшигинги, къаты уруб чыкъма.
Этни да ашады, бетни да ашады.
Баргъанынга кёре болур келгенинг.
Таугъа чыгъаллыкъ эсенг, тюзде къалма.
Ат басханны джер билед.
Бир онгсуз адам адет чыгъарды, деб эштирик тюлсе.
Артына баргъанны, къатына барма.
Чакъырылгъанны аты, чакъырылмагъанны багъасы болур.
Къайгъыны сюйген, къайгъы табар.
Кирсизни – саны таза, халалны – къаны таза.
Ач къарынны, токъ билмез
Къалгъан ишге къар джауар.
Таула не мийик болсала да, аууш табылыр.
Джан саулукъ бермей, сан саулукъ бермезсе.
Къобан да къуру да къобханлай турмайды, адам да къуру да патчахлай турмайды.
Ариу – кёзге, акъыл – джюрекге.
))