Акъыл сабырлыкъ берир.
Кёзню ачылгъаны – иги, ауузну джабылгъаны – иги.
Арыгъан къош чамчы болур.
Юйюнг бла джау болгъандан эсе, элинг бла джау бол.
Адамны бетине къарама, адетине къара.
Кенгеш болса, уруш болмаз.
Къонакъ кёб келюучю юйню, къазаны отдан тюшмез.
Алим болгъандан эсе, адам болгъан къыйынды.
Сагъышы джокъ – джукъучу, акъылы джокъ – къаугъачы.
Джангызны оту джарыкъ джанмаз!
Ач, тоймам, дейди, тойгъан, ач болмам, дейди.
Игини сыйлагъан адетди.
Аман адам этегингден тутса, кес да къач.
Ачыу алгъа келсе, акъыл артха къалады.
Джиби бир къат джетмей эди да, эки къат тарта эди.
Иги – алгъыш этер, аман – къаргъыш этер.
Ётген ёмюр – акъгъан суу.
Ана кёлю – балада, бала кёлю – талада.
Тулпарлыкъ, билекден тюл – джюрекден.
Ашхы – джыяр, аман – джояр.
Джангыз терек къынгыр ёсер.
Къошда джокъгъа – юлюш джокъ.
Хар ишни да аллы къыйынды.
Тин – байлыгъынг, терен саулугъунг.
Айныгъанлы алты кюн, тогъайгъанлы тогъуз кюн.
Акъыл аздырмаз, билим тоздурмаз.
Акъыл бла адеб эгизледиле.
Аман киши кеси юйюнде – къонакъ.
Зарда марда джокъ.
Ёзденликни джайгъан – джокълукъ.
Кёзден кетген, кёлден да кетеди.
Ариу сёз – джаннга азыкъ, аман сёз – башха къазыкъ.
Шекер бла туз – бир болмаз, ушамагъан – юй болмаз.
Миллетни бойну – базыкъ, аны бла кюрешген – джазыкъ.
Чомартны къолу берекет.
Джарлыны эшигин махтагъан джабар.
Гугук кесини атын айтыб къычыргъанча, мен, мен деб нек тураса?
Акъдан къара болмаз.
Илму – джашауну джолу.
Къыз тиширыу кеси юйюнде да къонакъды.
Баш – акъыл ючюн, акъылман – халкъ ючюн.
Чомартны къолун джокълукъ байлар.
Керти сёзге тёре джокъ.
Зар адамны насыбы болмаз.
Кюл тюбюндеги от кёрюнмейди.
Биреу къой излей, биреу той излей.
Чомарт къонакъ юй иесин сыйлар.
Аз сёлешген, къайгъысыз турур.
Байма, деб да, къууанма, джарлыма, деб да, джылама.
Урунуу – насыбны анасы.
))