- Намысы джокъну – дуниясы джокъ.
- Джолунга кёре – джюрюшюнг, джагъанга кёре – юлюшюнг.
- Кесинге джетмегенни, кёб сёлешме.
- Уясында не кёрсе, учханында аны этер.
- Телиге от эт десенг, юйюнге от салыр.
- Тамчы таш тешер.
- Биреуге аманлыкъны тилеме да, кесинге ашхылыкъны тиле.
- Адам сёзге тынгыла, акъыл сёзню ангыла.
- Биреуге кёлтюрген таягъынг, кесинги башынга урур.
- Сютню башын джалагъан къутулур, тюбюн ичген тутулур.
- Бети – къучакълар, джюреги – бычакълар.
- Телиге акъыл салгъандан эсе, ёлгеннге джан салырса.
- Орну джокъну – сыйы джокъ.
- Ишленмеген джаш – джюгенсиз ат, ишленмеген къыз – тузсуз хант.
- Чомартны къолу берекет.
- Ишлемеген – тишлемез.
- Тойгъа барсанг, тоюб бар, эски тонунгу къоюб бар.
- Кюн – узун, ёмюр – къысха.
- Тин – байлыгъынг, терен саулугъунг.
- Билим насыб берир, билим джолну керир.
- Иги джашны ышаны – аз сёлешиб, кёб тынгылар.
- Акъыллы башны – тили къысха.
- Айранын берсенг, челегин да къызгъанма.
- Ишлегенден, къарагъан уста.
- Ишленмеклик адамлыкъды.
- Къонакъ аз олтурур, кёб сынар.
- Шапа кёб болса, аш татымсыз болур.
- Адамны аты башхача, акъылы да башхады.
- Биреуню къыйынлыгъы бла кесинге джол ишлеме.
- Аманнга игилик этсенг, юйюнге сау бармазса.
- Къарнынг къанлынга кийирир.
- Байлыкъ адамны сокъур этер.
- Тил бла келеди джыр да.
- Чыбыкълыкъда бюгюлмеген, къазыкълыкъда бюгюлмей эди.
- Аманны эки битли тону болур, бирин сеннге кийдирир, бирин кеси киер.
- Садакъачыны джаны – къапчыгъында.
- Азыкъ аз болса, эртде орун сал.
- Эл ауузу – элек, анга ийнаннган – халек.
- Эри аманны, къатыны – аман.
- Ётюрюк хапар аякъ тюбю бла джюрюйдю.
- Чакъырылмагъан джерге барма, чакъырылгъан джерден къалма.
- Чомарт джарлы болмаз.
- Эл тойса, тоймагъан, эл къойса, къоймагъан.
- Атадан ёксюз – бир ёксюз, анадан ёксюз – эки ёксюз.
- Айырылгъанланы айю ашар, бёлюннгенлени бёрю ашар.
- Чарсда алчыны эл кёреди.
- Къая джолда джортма, ачыкъ сёзден къоркъма.
- Мен да «сен», дейме, сен да «кесим», дейсе.
- Аллахха ийнаннган кишини, Аллах онгдурур ишин.
- Сабийликде юретмесенг, уллу болса – тюзелмез.
СЕРЕБРЯНЫЙ ВЕК - самое любимое...
12.02.2008 00:46:23
:smt023
|
|
|
|
11.12.2008 03:36:03
:smt127
|
|
|
|
26.04.2009 20:37:23
|
|||
|
|
16.06.2009 21:51:30
|
||||
|
|
|||
Читают тему (гостей: 1)