- Джахил болса анасы, не билликди баласы?
- Чарсда алчыны эл кёреди.
- Ёгюзню мюйюзлери ауурлукъ этмейдиле.
- Ариу – кёзге, акъыл – джюрекге.
- Джаралыны джастыгъында сау ёлюр.
- Къазанда болса, чолпугъа чыгъар.
- Ёлмесенг да, къарт дамы болмазса?
- Итли къонакъ джарашмаз.
- Ачыкъ джюрекге джол – ачыкъ.
- Чомарт джарлы болмаз.
- Мухарны эси – ашарыкъда.
- Биреуню тёрюнден, кесинги эшик артынг игиди.
- Джолунга кёре – джюрюшюнг, джагъанга кёре – юлюшюнг.
- Эм ашхы къайын ана мамукъ бла башынгы тешер.
- Джети тилни билген джети кишиди.
- Кёпюр салгъан кеси ётер, уру къазгъан кеси кетер.
- Ата Джуртуму башы болмасам да, босагъасында ташы болайым.
- Хоншуну тауугъу къаз кёрюнюр, келини къыз кёрюнюр.
- Тешик этген тынчды, аны джамагъан къыйынды.
- Ойнаб айтсанг да, эслеб айт.
- Тёзген – тёш ашар!
- Урама да – ёледи, сатама да – келеди.
- Киштикге къанат битсе, чыпчыкъ къалмаз эди.
- «Ёгюз, джаргъа джууукъ барма, меннге джюк боллукъса», - дегенди эшек.
- Биреуге аманлыкъ этиб, кесинге игилик табмазса.
- Гугук кесини атын айтыб къычыргъанча, мен, мен деб нек тураса?
- Эринчекни эр алмаз, эр алса да, кёл салмаз, кёл салса да, кёб бармаз!
- Хата – гитчеден.
- Харам къарнашдан, халал тенг ашхы.
- Мен да «сен», дейме, сен да «кесим», дейсе.
- Телиге акъыл салгъандан эсе, ёлгеннге джан салырса.
- Баш – акъыл ючюн, акъылман – халкъ ючюн.
- Сакъалы текени да бар, мыйыгъы киштикни да бар.
- Билмезни кёзю кёрмез, этмезни къулагъы эшитмез.
- Иги сёз – джаннга азыкъ, аман сёз башха – къазыкъ.
- Агъач халкъгъа алтынды, иссиликге салкъынды.
- Чакъырылмагъан къонакъ тёрге атламаз.
- Агъач – джерни чырайы, кийим – эрни чырайы.
- Сагъышы джокъ – джукъучу, акъылы джокъ – къаугъачы.
- Сёз сёзню айтдырыр.
- Кёл ашады да, кеси ашады.
- Кирсизни – саны таза, халалны – къаны таза.
- Намысы болмагъанны, сыйы болмаз.
- Ариу сёзде ауруу джокъ.
- Окъугъан – асыу, окъумагъан – джарсыу.
- Мадар болса, къадар болур.
- Келинин тута билмеген, къул этер, къызын тута билмеген, тул этер.
- Олтуруб кёрюнмей эди да, ёрге туруб кёрюне эди.
- Бёрю да ач къалмасын, эчки да ашалмасын.
- Юйюнг бла джау болгъандан эсе, элинг бла джау бол.
СЕРЕБРЯНЫЙ ВЕК - самое любимое...
12.02.2008 00:46:23
:smt023
|
|
|
|
11.12.2008 03:36:03
:smt127
|
|
|
|
26.04.2009 20:37:23
|
|||
|
|
16.06.2009 21:51:30
|
||||
|
|
|||
Читают тему (гостей: 1)