- Тамбла алтындан бюгюн багъыр ашхы.
- Бети бедерден, намыс сакълама.
- Аманнга алтын чыдамаз.
- Джюз элде джюз ёгюзюм болгъандан эсе, джюз джууугъум болсун.
- Джауумдан сора, кюн кюйдюрюр, ётюрюкден сора, айыб кюйдюрюр.
- Эшекни не къадар тюйсенг да, ат болмаз.
- Ариу сёз – къылычдан джити.
- Джылкъыдан – ат чыгъар, тукъумдан – джаш чыгъар.
- Къарнынг къанлынга кийирир.
- Ётген ёмюр – акъгъан суу.
- Уллу къазанда бишген эт, чий къалмаз.
- Тиширыусуз юй – отсуз от джагъа.
- Кесине гебен этелмеген, биреуге черен эте эди.
- Бёрю да ач къалмасын, эчки да ашалмасын.
- Халкъгъа джарагъан, джарлы къалмаз.
- Алма терегинден кери кетмез.
- Кёб ант этген, кёб ётюрюк айтыр.
- Рысхы – сют юсюнде кёмюк кибикди.
- Таугъа чыгъаллыкъ эсенг, тюзде къалма.
- Хантына кёре тузу, юйюне кёре къызы.
- Ауругъан – джашаудан умутчу.
- Ишге юренсин къоллары, халкъ бла болсун джоллары.
- Сабий болмагъан джерде, мёлек болмаз.
- Керилген да, ургъан кибикди.
- Ариу сёз джыланны орнундан чыгъарыр.
- Адам сёзге тынгыла, акъыл сёзню ангыла.
- Сёз сёзню айтдырыр.
- Тас болгъан бычакъны сабы – алтын.
- Къобан да къуру да къобханлай турмайды, адам да къуру да патчахлай турмайды.
- Аман адам элни бир-бирине джау этер.
- Джети тилни билген джети кишиди.
- Иги – алгъыш этер, аман – къаргъыш этер.
- Эл ауузу – элия.
- Башда акъыл болмаса, эки аякъгъа кюч джетер.
- Юй кюйдю да, кюйюз чыкъды, ортасындан тюйюш чыкъды.
- Аман киши кеси юйюнде – къонакъ.
- Джангызны оту джарыкъ джанмаз!
- Келинин тута билмеген, къул этер, къызын тута билмеген, тул этер.
- Биреуню эскиси биреуге джангы болмайды.
- Намыс сатылыб алынмайды.
- Акъыллы башны – тили къысха.
- Эринчекни эр алмаз, эр алса да, кёл салмаз, кёл салса да, кёб бармаз!
- Кютгени беш эчки, сызгъыргъаны уа, джерни джарады.
- Дуния малгъа сатылма, кесингден телиге къатылма.
- Алим болгъандан эсе, адам болгъан къыйынды.
- Ёмюрлюк шохлукъну джел элтмез.
- Билим – акъылны чырагъы.
- Урунуу – насыбны анасы.
- Терслик кетер, тюзлюк джетер.
- Тойну къарнашы – харс, джырны къарнашы – эжиу.
СЕРЕБРЯНЫЙ ВЕК - самое любимое...
12.02.2008 00:46:23
:smt023
|
|
|
|
11.12.2008 03:36:03
:smt127
|
|
|
|
26.04.2009 20:37:23
|
|||
|
|
16.06.2009 21:51:30
|
||||
|
|
|||
Читают тему (гостей: 1)