- Джыгъылгъанны сырты джерден тоймаз.
- Этим кетсе да, сюегим къалыр.
- Ётген ёмюр – акъгъан суу.
- Кимни – тили, тиши онглу, кимни – къолу, иши онглу.
- Бал чибинни ургъаны – ачы, балы – татлы.
- Урама да – ёледи, сатама да – келеди.
- Ётюрюкчюню шагъаты – къатында.
- Тёрдеги кюлсе, эшикдеги ышарыр.
- Ауругъанны сау билмез, ач къарынны токъ билмез.
- Бек анасы джыламаз.
- Ач отунчуну ачыуу – бурнунда.
- Аманнга игилик этсенг, юйюнге сау бармазса.
- Сёз – кюмюш, джыр – алтын.
- Гугук кесини атын айтыб къычыргъанча, мен, мен деб нек тураса?
- Ата Джуртча джер болмаз, туугъан элча эл болмаз.
- Сыфатында болмагъаны, суратында болмаз.
- Ариу сёзде ауруу джокъ.
- Аджаллыгъа окъсуз шкок атылыр.
- Къызын тута билмеген, тул этер, джашын тута билмеген, къул этер.
- Эшекге миннген – биринчи айыб, андан джыгъылгъан – экинчи айыб.
- Къонакъ аман болса, къонакъбай джунчур
- Элде адам къалмаса, ит тахтагъа минер.
- Ачыкъ джюрекге джол – ачыкъ.
- Уллу атлама – абынырса, уллу къабма – къарылырса.
- Атлыны кёрсе, джаяуну буту талыр.
- Экеулен сёлеше тура эселе, орталарына барыб кирме.
- Адамны артындан къара сабан сюрме.
- Къанны къан бла джуума, аманны аман бла къуума.
- Танг атмайма десе да, кюн къоярыкъ тюйюлдю.
- Къарт болгъан джерде, берекет болур, сабий болгъан джерде, оюн болур.
- Тамбла алтындан бюгюн багъыр ашхы.
- Экиндини кеч къылсанг, чабыб джетер ашхам.
- Таукел адам тау тешер.
- Агъач халкъгъа алтынды, иссиликге салкъынды.
- Ата Джуртун танымагъан, атасын да танымаз.
- Мухар, кеси тойса да, кёзю тоймаз.
- Чомарт бергенин айтмаз.
- Ашына кёре табагъы, балына кёре къалагъы.
- Оюмсуз атлагъан, аджалсыз ёлюр.
- Сабий кёргенин унутмаз.
- Акъыл аздырмаз, билим тоздурмаз.
- Аманны эки битли тону болур, бирин сеннге кийдирир, бирин кеси киер.
- Алгъанда – джууукъ, бергенде – джау.
- Термилгенинги табмазса, кюлгенинге тюберсе.
- Ашаса, ашамаса да, бёрюню ауузу – къан.
- Къыз чыгъаргъан – къызыл къымжа.
- Ханнга да келеди хариблик.
- Ашлыкъ – бюртюкден, джюн – тюкден.
- Тилчи тилден къаныкъмаз.
- Бир абыннган – минг сюрюнюр.
СЕРЕБРЯНЫЙ ВЕК - самое любимое...
12.02.2008 00:46:23
:smt023
|
|
|
|
11.12.2008 03:36:03
:smt127
|
|
|
|
26.04.2009 20:37:23
|
|||
|
|
16.06.2009 21:51:30
|
||||
|
|
|||
Читают тему (гостей: 1)