- Эртде тургъан бла эртде юйленнген сокъуранмаз.
- Къартны сыйын кёрмеген, къартлыгъында сыйлы болмаз.
- Ашаса, ашамаса да, бёрюню ауузу – къан.
- От этилмеген джерден тютюн чыкъмайды.
- Башы ишлегенни, ауузу да ишлер.
- Хоншуну тауугъу къаз кёрюнюр, келини къыз кёрюнюр.
- Тойгъандан сора, ашны сёкме.
- Арыгъан къош чамчы болур.
- Сютден ауузу кюйген, суугъа юфгюре эди.
- Татлы тилде – сёз ариу, чемер къолда – иш ариу.
- Зар адам ашынгы ашар, кесинги сатар.
- Эр сокъур болсун, къатын тилсиз болсун.
- Элге къуллукъ этмеген, элге ие болмаз.
- Харам къарнашдан, халал тенг ашхы.
- Джарашыу сюйген – джалынчакъ.
- Тенги кёбню джау алмаз, акъылы кёбню дау алмаз.
- Акъыллы айтыр эди, акъылсыз къоймайды.
- Зарда марда джокъ.
- Суу кетер, таш къалыр.
- Ауругъаннга – кийик саулукъ, джетген къызгъа – чилле джаулукъ.
- Билген билмегенни юретген адетди.
- Олтуруб кёрюнмей эди да, ёрге туруб кёрюне эди.
- Тёрени джагъы джокъ.
- Сескекли кесин билдирир.
- Ата джурт – алтын бешик.
- Ойнаб айтсанг да, эслеб айт.
- Кёбню кёрген – кёб билир.
- Аманнга игилик этсенг, юйюнге сау бармазса.
- Джырына кёре эжиую.
- Ойнай билмеген, оюн бузар.
- Сакъ юйюне сау барыр.
- Огъурлуну сёзю – суу, огъурсузну сёзю – уу.
- Чакъырылмагъан джерге барма, чакъырылгъан джерден къалма.
- Бек ашыкъгъан меннге джетсин, дегенди аракъы.
- Ичимден чыкъды хата, къайры барайым сата?
- Ётюрюк хапар аякъ тюбю бла джюрюйдю.
- Кийиминг бла танылма, адамлыкъ бла таныл.
- Мал ёлсе, сюек къалыр, адам ёлсе, иши къалыр.
- Кесинге джетмегенни, кёб сёлешме.
- Аманнга алтын чыдамаз.
- Тилде сюек болмаса да, сюек сындырыр.
- Ашхы сёз таш тешер.
- Тил бла келеди джыр да.
- Джылар джаш, атасыны сакъалы бла ойнар.
- Азыкъ аз болса, эртде орун сал.
- Ана кёлю – балада, бала кёлю – талада.
- Гитче джилтин уллу элни джандырыр.
- Ата – билек, ана – джюрек!
- Джаш къарыу бла кючлю, къарт акъыл бла кючлю.
- Ариу сёз джыланны орнундан чыгъарыр.
СЕРЕБРЯНЫЙ ВЕК - самое любимое...
12.02.2008 00:46:23
:smt023
|
|
|
|
11.12.2008 03:36:03
:smt127
|
|
|
|
26.04.2009 20:37:23
|
|||
|
|
16.06.2009 21:51:30
|
||||
|
|
|||
Читают тему (гостей: 1)