- Къонагъы джокъну – шоху джокъ.
- Адамны сабийин сюйген джюреги, бычакъча, джитиди.
- Ариу сёз джыланны орнундан чыгъарыр.
- Биреуню эскиси биреуге джангы болмайды.
- Кийимни бир кюнню аясанг, минг кюннге джарар.
- Юре билмеген ит, къонакъ келтирир.
- Адам сёзге тынгыла, акъыл сёзню ангыла.
- Сакъалы текени да бар, мыйыгъы киштикни да бар.
- Къонакъны къачан кетерин сорма, къачан келлигин сор.
- Къуллукъчума, деб махтанма, къуллукъ – хаух джамчыды!
- Уясында не кёрсе, учханында аны этер.
- Джетген къыз джерли эшекни танымаз.
- Айранын берсенг, челегин да къызгъанма.
- Тюзлюк шохлукъну бегитир.
- Иги сёз – джаннга азыкъ, аман сёз башха – къазыкъ.
- Халкъны юйю – туугъан джери.
- Мухарны эси – ашарыкъда.
- Кеси юйюмде мен да ханма.
- Эллинг бла джау болсанг да, юйюнг бла джау болма.
- Дууулдаса – бал чибин, къонса – къара чибин.
- Аууз сакълагъан – джан сакълар.
- Бозанг болмагъан джерге, къалагъынгы сукъма.
- Байлыкъдан саулукъ ашхыды.
- Тенги кёбню джау алмаз, акъылы кёбню дау алмаз.
- Ётюрюкню къуйругъу – бир тутум.
- Хаухну атма, ёнгкючню сатма.
- Сютню башын джалагъан къутулур, тюбюн ичген тутулур.
- Ана къолу ачытмаз.
- Ётюрюкню башын керти кесер.
- Джан саулукъ бермей, сан саулукъ бермезсе.
- Ойнаб айтсанг да, эслеб айт.
- Шайтан алдады, тюзлюк къаргъады.
- Кимни – тили, тиши онглу, кимни – къолу, иши онглу.
- Джаным-тиним – окъуу, билим.
- Биреуге кёлтюрген таягъынг, кесинги башынга урур.
- Ачыу алгъа келсе, акъыл артха къалады.
- Сангырау къулакъ эл бузар.
- Битмегеннге сакъал – танг.
- Игилик игилик бла сингдирилиучю затды.
- Ётюрюкчюню шагъаты – къатында.
- Окъугъан озар, окъумагъан тозар.
- Хантына кёре тузу, юйюне кёре къызы.
- Агъач – джерни чырайы, кийим – эрни чырайы.
- Къартны сыйын кёрмеген, къартлыгъында сыйлы болмаз.
- Суугъа – таянма, джаугъа – ийнанма.
- Кёпюр салгъан кеси ётер, уру къазгъан кеси кетер.
- Сабий кёргенин унутмаз.
- Тойгъанлыкъ къойгъа джарашады.
- Ариу – кёзге, акъыл – джюрекге.
- Ата – билек, ана – джюрек!
Эртде хапар)))
30.10.2011 16:40:42
сорри за офф топ...но...
|
||||
|
|
|||
Читают тему (гостей: 1)