- Магъанасыз сёз – тауушсуз сыбызгъы.
- Хар сёзню орну барды.
- Эр абынмай, эл танымаз.
- Тюз сёз баргъан сууну тыяр.
- Азыкъ аз болса, эртде орун сал.
- Тойну къарнашы – харс, джырны къарнашы – эжиу.
- Тура эдим джата, къайдан чыкъды хата?
- Таукел тауну аудурур.
- Ишин билген, аны сыйын чыгъарады.
- Келгинчи, къонакъ уялыр, келгенден сора, къонакъбай уялыр.
- Ашда – бёрю, ишде – ёлю.
- Аман адам элни бир-бирине джау этер.
- Къарт бла баш аша, джаш бла аякъ аша.
- Эр сокъур болсун, къатын тилсиз болсун.
- Чалманны аллы къалай башланса, арты да алай барады.
- Тойгъан антын унутур.
- Тели турса – той бузар.
- Джиби бир къат джетмей эди да, эки къат тарта эди.
- Джахил болса анасы, не билликди баласы?
- Эринчекге кюн узун.
- Адам къаллай бир ишленмесе, аллай бир кесин уллу кёреди.
- Юйюнгден чыкъдынг – кюнюнгден чыкъдынг.
- Уясында не кёрсе, учханында аны этер.
- «Ёгюз, джаргъа джууукъ барма, меннге джюк боллукъса», - дегенди эшек.
- Эки итни арасына сюек атма, эки адамны арасында сёз чыгъарма.
- Джуртун къоругъан озар.
- Эртде тургъан бла эртде юйленнген сокъуранмаз.
- Къонакъны къачан кетерин сорма, къачан келлигин сор.
- Сангырау къулакъ эл бузар.
- Джети тилни билген джети кишиди.
- Кесинге джетмегенни, кёб сёлешме.
- Орну джокъну – сыйы джокъ.
- Экеулен сёлеше тура эселе, орталарына барыб кирме.
- Тилсиз миллет джокъ болур.
- Туз, гырджын аша, тюзлюк бла джаша.
- Уллу атлама – абынырса, уллу къабма – къарылырса.
- Эки къатын алгъан – эки ташны ортасына башын салгъан.
- Насыб бютеу халкъны юлюшюдю.
- Илму – джашауну джолу.
- Тенги кёбню джау алмаз, акъылы кёбню дау алмаз.
- Ёгюзню мюйюзюнден тутадыла, адамны сёзюнден тутадыла.
- Арпа, будай – ащды, алтын, кюмюш а – ташды.
- Кёб джат да, бек чаб.
- Дуния малгъа сатылма, кесингден телиге къатылма.
- Къууут – джелге, берне – бошха.
- Бек анасы джыламаз.
- Ачылгъан эт джабылыр, кёрген кёз унутмаз.
- Джумушакъ сёз къаты таякъны сындырыр.
- Кёрмегеннге кебек – танг, битмегеннге сакъал – танг.
- Чомартны къолун джокълукъ байлар.
Эртде хапар)))
30.10.2011 16:40:42
сорри за офф топ...но...
|
||||
|
|
|||
Читают тему (гостей: 1)