- Ашхы – джыяр, аман – джояр.
- Ата джурт – алтын бешик.
- Айтханы чапыракъдан ётмеген.
- Айыбны суу бла джууалмазса.
- Азыгъы аз, алгъа къабар, аты аман, алгъа чабар.
- Адам боллукъ, атламындан белгили болур.
- Кёл ашады да, кеси ашады.
- Ариу – кёзге, акъыл – джюрекге.
- Башы джабылгъан челекге, кир тюшмез.
- Эки элинги тыйсанг, джети элде махталырса.
- Ана къолу ачытмаз.
- Тюз сёз баргъан сууну тыяр.
- Аш хазыр болса, иш харам болур.
- Чомарт бергенин айтмаз.
- Билмезни кёзю кёрмез, этмезни къулагъы эшитмез.
- Тюкюрюк баш джармаз, налат кёз чыгъармаз!
- Олтуруб кёрюнмей эди да, ёрге туруб кёрюне эди.
- Джыланны къуйругъундан басарынг келсе, аны башы болгъанын унутма.
- Кёб джашагъан – кёб билир.
- Башда акъыл болмаса, эки аякъгъа кюч джетер.
- Тюзлюк тас болмайды.
- Оюмсуз атлагъан, аджалсыз ёлюр.
- Къызны минг тилер, бир алыр.
- Адамны артындан къара сабан сюрме.
- Нафысынгы айтханын этме, намысынгы айтханын эт.
- Бети – къучакълар, джюреги – бычакълар.
- Бёрю да ач къалмасын, эчки да ашалмасын.
- Джаханимни кёрмей, джандетге кёл салмазса.
- Уясында не кёрсе, учханында аны этер.
- Хоншуну тауугъу къаз кёрюнюр, келини къыз кёрюнюр.
- Артына баргъанны, къатына барма.
- Ариу сёз аурууунгу алыр.
- Элге къуллукъ этмеген, элге ие болмаз.
- Джетген къыз джерли эшекни танымаз.
- Орну джокъну – сыйы джокъ.
- Аман хансны – урлугъу кёб.
- Ата Джуртча джер болмаз, туугъан элча эл болмаз.
- Къатын байлыкъны сюер, эр саулукъну сюер.
- Босагъагъа джууукъ орун болса, ашыгъыб тёрге озма.
- Тенгни тенглиги джашай барсанг билинир.
- Мал тутхан – май джалар.
- Иги сёз – джаннга азыкъ, аман сёз башха – къазыкъ.
- Къошда джокъгъа – юлюш джокъ.
- Сабийликде юретмесенг, уллу болса – тюзелмез.
- Сёлеш деб шай берген, тохта деб, сом берген.
- Эркиши – от, тиширыу – суу.
- Ойнай билмеген, оюн бузар.
- Таукелге нюр джауар.
- Чабакъгъа акъыл, табагъа тюшсе келеди.
- Керти сёзге тёре джокъ.
Эртде хапар)))
30.10.2011 16:40:42
сорри за офф топ...но...
|
||||
|
|
|||
Читают тему (гостей: 1)