- Ана къойну – балагъа джандет.
- Эрни эр этерик да, къара джер этерик да, тиширыуду.
- Таугъа чыгъаллыкъ эсенг, тюзде къалма.
- Арба аугъандан сора, джол кёргюзтюучю кёб болур.
- Сёз – кюмюш, джыр – алтын.
- Кесинг сынамагъан затны, адамгъа буюрма.
- Къайгъыны сюйген, къайгъы табар.
- Джарлы тюеге минсе да, ит къабар.
- Тай асырагъан, атха минер.
- Эри аманны, къатыны – аман.
- От кюйдюрген, сау болса да, тот кюйдюрген, сау болмаз.
- Босагъагъа джууукъ орун болса, ашыгъыб тёрге озма.
- Чоюнну башы ачыкъ болса, итге уят керекди.
- Ачлыкъда тары гырджын халыуадан татлы.
- Къаллай салам берсенг, аллай джууаб алырса.
- Халкъны юйю – туугъан джери.
- Джигер – джаннга къыйынлыкъ.
- Булут кёкге джарашыу, уят бетге джарашыу.
- Айырылмаз джууугъунга, унутмаз сёзню айтма.
- Къатыны харакетли болса, эри къымсыз болур.
- Ач да бол, токъ да бол – намысынга бек бол.
- Кенгеш болса, уруш болмаз.
- Ёлюк кебинсиз къалмаз.
- Джарлы эскисин джамаса, къууаныр.
- Ата Джуртуму башы болмасам да, босагъасында ташы болайым.
- Сагъышы джокъ – джукъучу, акъылы джокъ – къаугъачы.
- Ашын ашагъанынгы, башын да сыйла.
- Ёгюзню мюйюзлери ауурлукъ этмейдиле.
- Оюмсуз атлагъан, аджалсыз ёлюр.
- Адам къаллай бир ишленмесе, аллай бир кесин уллу кёреди.
- Садакъачыны джаны – къапчыгъында.
- Эр абынмай, эл танымаз.
- Мадар болса, къадар болур.
- Зар адамны насыбы болмаз.
- Сагъыш – къартлыкъгъа сюйюмчю.
- Билим ат болуб да чабар, къуш болуб да учар.
- Юйлю уругъа ит чабмаз.
- Арбаз сайлама да, хоншу сайла.
- Aдам боллукъ, сыфатындан белгили.
- Биреуге аманлыкъны тилеме да, кесинге ашхылыкъны тиле.
- Къарнынг тойгъунчу аша да, белинг талгъынчы ишле.
- Адеб джокъда, намыс джокъ.
- Хар ишни да аллы къыйынды.
- Танг атмайма десе да, кюн къоярыкъ тюйюлдю.
- Сабыр джетер муратха, сабырсыз къалыр уятха.
- Къумурсхала джыйылсала, пилни да джыгъадыла.
- Джашда акъыл джокъ, къартда къарыу джокъ.
- Окъугъанны бети джарыкъ.
- Этек чакъмакълары баш джаргъан, сёлешген сёзлери таш джаргъан.
- Кёрмегеннге кебек – танг, битмегеннге сакъал – танг.
Эртде хапар)))
30.10.2011 16:40:42
сорри за офф топ...но...
|
||||
|
|
|||
Читают тему (гостей: 1)