- Этим кетсе да, сюегим къалыр.
- Эр абынмай, эл танымаз.
- Чоюнну башы ачыкъ болса, итге уят керекди.
- Сибиртки да сыйлы болду, кюрек да кюнлю болду.
- Ач къалгъандан, кеч къалгъан къолай.
- Бал чибинни ургъаны – ачы, балы – татлы.
- Бир онгсуз адам адет чыгъарды, деб эштирик тюлсе.
- Тил – миллетни джаны.
- Уруну арты – къуру.
- Мени джылытмагъан кюн, меннге тиймесин!
- Татлы тилде – сёз ариу, чемер къолда – иш ариу.
- Тёрени джагъы джокъ.
- Бюгюн дуния кибик, тамбла ахыратды.
- Иги адам абынса да, джангылмаз.
- Уллу къашыкъ эрин джыртар.
- Аман къатын сабий табса, бий болур…
- Кёб къычыргъандан – къоркъма, тынч олтургъандан – къоркъ.
- Керти сёзге тёре джокъ.
- Адамны аманы адамны бети бла ойнар.
- Джашлыкъ этмеген, башлыкъ этмез.
- Ёпкелегенни ашы татлы болады.
- Аджаллыгъа окъсуз шкок атылыр.
- Ач – эснер, ат – кишнер.
- Ач къарынны, токъ билмез
- Агъач – джерни чырайы, кийим – эрни чырайы.
- Окъугъанны бети джарыкъ.
- Аллахдан тилесенг, кёб тиле.
- Къазанда болса, чолпугъа чыгъар.
- Ёлюр джаннга, ёкюл джокъ.
- Адам боллукъ, атламындан белгили болур.
- Аш иеси бла татлыды.
- Къайтырыкъ эшигинги, къаты уруб чыкъма.
- Бал ашаргъа сюе эсенг, чибин ургъаннга тёз.
- Тойгъан антын унутур.
- Джарлы джети элни сёзюн этер.
- Орундукъ тюбюнде атылсам да, орта джиликме, де да айлан.
- Баш болса, бёрк табылыр.
- Айран ичген – къутулду, джугъусун джалагъан – тутулду.
- Элни кючю – эмеген.
- Бети – къучакълар, джюреги – бычакълар.
- Кюн кёрмеген, кюн кёрсе, кюндюз чыракъ джандырыр.
- Эркишини аманы тиширыуну джылатыр.
- Окъ къызбайны джокълайды.
- Кесине оноу эте билмеген, халкъына да эте билмез.
- Миллетни бойну – базыкъ, аны бла кюрешген – джазыкъ.
- Окъдан джара эртде-кеч болса да бителир, сёз джара, ёмюрге къалыр.
- Тилчи тилден къаныкъмаз.
- Джарлы эскисин джамаса, къууаныр.
- Сёз сёзню айтдырыр.
- Ётюрюкден тюбю джокъ, кёлтюрюрге джиби джокъ.
Эртде хапар)))
30.10.2011 16:40:42
сорри за офф топ...но...
|
||||
|
|
|||
Читают тему (гостей: 1)