- Къозулугъунда тоймагъан, къойлугъунда тоймаз.
- Джашны джигитлиги сорулур, къызны джигерлиги сорулур.
- Ишни ахырын ойламай, аллын башлама.
- Кёлсюзден сёзсюз тууар.
- Къалгъан ишге къар джауар.
- Ачылгъан эт джабылыр, кёрген кёз унутмаз.
- Байма, деб да, къууанма, джарлыма, деб да, джылама.
- Суу да къайтады чыкъгъан джерине.
- Ойнай-ойнай кёз чыгъар.
- Сабийликде юретмесенг, уллу болса – тюзелмез.
- Тойгъандан сора, ашны сёкме.
- Мал кёб болса, джууукъ кёб болур.
- Адебсиз адам – джюгенсиз ат.
- Этни бети бла шорпасы.
- Эл ауузу – элия.
- Тин – байлыгъынг, терен саулугъунг.
- Бети – къучакълар, джюреги – бычакълар.
- Чабакъгъа акъыл, табагъа тюшсе келеди.
- Келинин тута билмеген, къул этер, къызын тута билмеген, тул этер.
- Баргъанынга кёре болур келгенинг.
- Бозаны арты дауур болур.
- Тас болгъан бычакъны сабы – алтын.
- Юйлю уругъа ит чабмаз.
- Уллу къашыкъ эрин джыртар.
- Башы джабылгъан челекге, кир тюшмез.
- Эр абынмай, эл танымаз.
- Къызны минг тилер, бир алыр.
- Зар адамны насыбы болмаз.
- Эринчекге кюн узун.
- Хазыр ашха – терен къашыкъ.
- Арпа, будай – ащды, алтын, кюмюш а – ташды.
- Элни кючю – эмеген.
- Таякъ этден ётер, тил сюекден ётер.
- Дууулдаса – бал чибин, къонса – къара чибин.
- Келлик заман – къартлыкъ келтирир, кетген заман – джашлыкъ ёлтюрюр.
- Артына баргъанны, къатына барма.
- Сормай – алма, чакъырылмай – барма.
- Акъылсызны джууукъгъа алма, акъыллыны кенгнге салма.
- Къарт бла баш аша, джаш бла аякъ аша.
- Алтыда кюлмеген, алтмышда кюлмез.
- Кёб къычыргъандан – къоркъма, тынч олтургъандан – къоркъ.
- Ёлмесенг да, къарт дамы болмазса?
- Этим кетсе да, сюегим къалыр.
- Джюрек кёзден алгъа кёрюр.
- Кёбге таш атма.
- Хатерли къул болур.
- Бозанг болмагъан джерге, къалагъынгы сукъма.
- Нёгер болсанг, тенг бол, тенг болмасанг, кенг бол.
- Тил – кесген бычакъ, сёз – атылгъан окъ.
- Суугъа – таянма, джаугъа – ийнанма.
Келигиз тауча жырла жырлайыкъ!
18.02.2010 13:00:28
:smt006 :smt006 :smt006 :smt006
|
|
|
|
23.11.2010 20:15:25
Джырчы Исмаилни сёзлеридиле да ала?(Ата,Ана)...Мен джазарма кечрек!!....Думаю эти стихи доводят до слёз многих.......
|
|
|
|
02.06.2011 01:38:43
|
|
|
|
16.10.2011 02:13:06
|
|
|
|
14.11.2011 01:15:39
Езденланы Сафар...
|
||||
|
|
|||
Читают тему (гостей: 1)