- Тай асырагъан, атха минер.
- Тойгъанлыкъ къойгъа джарашады.
- Адамны джюреги нени кёрюрге сюйсе, кёзю да аны кёрюрге ёч болады.
- Къарын къуру болса, джюрек уру болур.
- Тилчи бир сагъатха айлыкъ хата этер.
- Чабакъ башындан чирийди.
- Алма терегинден кери кетмез.
- Байдан умут эте, джарлыдан ёгюз багъасы къорады.
- Ач – эснер, ат – кишнер.
- Джолунга кёре – джюрюшюнг, джагъанга кёре – юлюшюнг.
- Агъач халкъгъа алтынды, иссиликге салкъынды.
- Къонакъ болсанг, ийнакъ бол.
- Телиге акъыл салгъандан эсе, ёлгеннге джан салырса.
- Адамны сабийин сюйген джюреги, бычакъча, джитиди.
- Аджашханны ызындагъы кёреди, джангылгъанны джанындагъы биледи.
- Уллу атлама – абынырса, уллу къабма – къарылырса.
- Харам къарнашдан, халал тенг ашхы.
- Этни бети бла шорпасы.
- Сакъалы текени да бар, мыйыгъы киштикни да бар.
- Джогъун бар этген, барын бал этген.
- Хата – гитчеден.
- Сютден ауузу кюйген, суугъа юфгюре эди.
- Аш берме да, къаш бер.
- Къызны минг тилер, бир алыр.
- Ариу – кёзге, акъыл – джюрекге.
- Окъ къызбайны джокълайды.
- «Ма», - дегенни билмесенг, «бер», - дегенни билмезсе.
- Нарт сёз къарт болмаз.
- Сакъ юйюне сау барыр.
- Къая джолда джортма, ачыкъ сёзден къоркъма.
- Тойну къарнашы – харс, джырны къарнашы – эжиу.
- Къарнынг тойгъунчу аша да, белинг талгъынчы ишле.
- Ишлерге уял да, ашаргъа табма.
- Къонакъ аман болса, къонакъбай джунчур
- Ана – юйню кюн джарыгъы.
- Байма, деб да, къууанма, джарлыма, деб да, джылама.
- Ашхы тенг джолгъа салыр, аман тенг джолдан тайдырыр.
- Бир абыннган – минг сюрюнюр.
- Ашын ашагъанынгы, башын да сыйла.
- Эл ауузу – элек, анга ийнаннган – халек.
- Садакъачыны джаны – къапчыгъында.
- Кёб джашагъан – кёб билир.
- Акъыл къартда, джашда тюйюлдю – башдады.
- Чоюнну башы ачыкъ болса, итге уят керекди.
- Мураты болгъанны джюрек тебюую башхады.
- Экеулен сёлеше тура эселе, орталарына барыб кирме.
- Ишге юренсин къоллары, халкъ бла болсун джоллары.
- Къонакъ аз олтурур, кёб сынар.
- Иши джокъну, сыйы джокъ.
- Айранын берсенг, челегин да къызгъанма.
Келигиз тауча жырла жырлайыкъ!
18.02.2010 13:00:28
:smt006 :smt006 :smt006 :smt006
|
|
|
|
23.11.2010 20:15:25
Джырчы Исмаилни сёзлеридиле да ала?(Ата,Ана)...Мен джазарма кечрек!!....Думаю эти стихи доводят до слёз многих.......
|
|
|
|
02.06.2011 01:38:43
|
|
|
|
16.10.2011 02:13:06
|
|
|
|
14.11.2011 01:15:39
Езденланы Сафар...
|
||||
|
|
|||
Читают тему (гостей: 1)