- Билеги кючлю, бирни джыгъар, билими кючлю, мингни джыгъар.
- Ышармагъан – кюлмез, кюлмеген – къууанчны билмез.
- Джумушакъ терекни къурт ашар.
- Сабийликде юретмесенг, уллу болса – тюзелмез.
- Хар сёзню орну барды.
- Къошда джокъгъа – юлюш джокъ.
- Ашха уста, юйюнде болсун
- Бети къызарыучу адамны, джюреги харам болмаз.
- Байны къызы баймакъ болса да, юйде къалмаз!
- Этни бети бла шорпасы.
- Ариуну – ауруу кёб.
- Ачыкъ джюрекге джол – ачыкъ.
- Ёгюзню мюйюзюнден тутадыла, адамны сёзюнден тутадыла.
- Душманны тышы – акъ, ичи – къара.
- Окъдан джара эртде-кеч болса да бителир, сёз джара, ёмюрге къалыр.
- Хар адамгъа кеси миннген тау кибик.
- Адамны аты башхача, акъылы да башхады.
- Аджалсыз ёлюм болмаз.
- Эл бла кёргенинг эрелей.
- Чомарт къолда мал къалмаз.
- Ургъан суудан башынгы сакъла.
- Къонагъынгы артмагъын алма да, алгъышын ал.
- Сабий болмагъан джерде, мёлек болмаз.
- Эл элде бирер малынг болгъандан эсе, бирер тенгинг болсун.
- Эри аманны, къатыны – аман.
- Аш иеси бла татлыды.
- Бастасын ашагъан, хантусун да ичер.
- Джаралыны джастыгъында сау ёлюр.
- Мухарны эси – ашарыкъда.
- Оюмсуз атлагъан, аджалсыз ёлюр.
- Къан бла кирген, джан бла чыгъар.
- Биреу къой излей, биреу той излей.
- Кёзю сокъурдан – къоркъма, кёлю сокъурдан – къоркъ.
- Ана къолу ачытмаз.
- Къолунгдан къуймакъ ашатсанг да, атаны борчундан къутулмазса.
- Къартха ушагъан джаш – акъыллы, джашха ушагъан къарт – тели.
- Сёз къанатсыз учар.
- Кюн – узун, ёмюр – къысха.
- Адебсиз адам – джюгенсиз ат.
- Эшекге миннген – биринчи айыб, андан джыгъылгъан – экинчи айыб.
- Бети бедерден, намыс сакълама.
- Халкъны джырын джырласанг, халкъ санга эжиу этер.
- Биреуге кёлтюрген таягъынг, кесинги башынга урур.
- Ач отунчуну ачыуу – бурнунда.
- Джырчы джырчыгъа – къарнаш.
- Адамны адамлыгъы къыйынлыкъда айгъакъланады.
- Дуния аламаты сен эсенг да, игиме деб айтма.
- Аман адам элни бир-бирине джау этер.
- Адам къыйынлыгъын кёлтюрюр, зауукълугъун кёлтюрмез.
- Байлыкъ тауусулур, билим тауусулмаз.
Келигиз тауча жырла жырлайыкъ!
18.02.2010 13:00:28
:smt006 :smt006 :smt006 :smt006
|
|
|
|
23.11.2010 20:15:25
Джырчы Исмаилни сёзлеридиле да ала?(Ата,Ана)...Мен джазарма кечрек!!....Думаю эти стихи доводят до слёз многих.......
|
|
|
|
02.06.2011 01:38:43
|
|
|
|
16.10.2011 02:13:06
|
|
|
|
14.11.2011 01:15:39
Езденланы Сафар...
|
||||
|
|
|||
Читают тему (гостей: 1)