- Мураты болгъанны джюрек тебюую башхады.
- Бастасын ашагъан, хантусун да ичер.
- Къуру гыбыт бек дыгъырдар.
- Ишлерге уял да, ашаргъа табма.
- Къартха ушагъан джаш – акъыллы, джашха ушагъан къарт – тели.
- Келинни – келгинчи, бёркню кийгинчи кёр.
- Джарлы эскисин джамаса, къууаныр.
- Туз, гырджын аша, тюзлюк бла джаша.
- Бек анасы джыламаз.
- Мухардан ач ычхынмаз.
- Эрине къаргъыш этген къатын, эрнин къабар.
- Ашхы сёз таш тешер.
- Ата Джуртун танымагъан, атасын да танымаз.
- Къарнынг бла ёч алма.
- Булут кёкге джарашыу, уят бетге джарашыу.
- Эте билген, этген этеди, эте билмеген, юретген этеди!
- Кёб ант этген, кёб ётюрюк айтыр.
- Эркишиге тары кебек танг кёрюнюр.
- Телиге от эт десенг, юйюнге от салыр.
- Зар адамны насыбы болмаз.
- Уллу атлама – абынырса, уллу къабма – къарылырса.
- Къартны бурнун сюрт да, оноугъа тут.
- Билим къая тешер.
- Ачылгъан эт джабылыр, кёрген кёз унутмаз.
- Юреннген ауруу къалмаз.
- Келинин тута билмеген, къул этер, къызын тута билмеген, тул этер.
- Билмезни кёзю кёрмез, этмезни къулагъы эшитмез.
- Гугурук къычырмаса да, тангны атары къалмаз.
- Иги – алгъыш этер, аман – къаргъыш этер.
- Сёлеш деб шай берген, тохта деб, сом берген.
- Хар сёзню орну барды.
- Бал ашаргъа сюе эсенг, чибин ургъаннга тёз.
- Ашда уялгъан – мухар, ишде уялгъан – хомух.
- Ишлегенден, къарагъан уста.
- Хар зат кесини орнуна иги.
- Къарт айтханны этмеген, къартаймаз.
- Эринчекге кюн узун.
- Ач уят къоймаз.
- Сютден ауузу кюйген, суугъа юфгюре эди.
- Ашарыкъда сайлагъаннга – чий гырджын.
- Арыгъан къош чамчы болур.
- Игиге айтсанг – билир, аманнга айтсанг – кюлюр.
- Босагъа таш юйге кирмей эди, тыбыр таш эшикге чыкъмай эди.
- Къумурсхала джыйылсала, пилни да джыгъадыла.
- Тенгни тенглиги джашай барсанг билинир.
- Акъыл аздырмаз, билим тоздурмаз.
- Ач да бол, токъ да бол – намысынга бек бол.
- Термилгенинги табмазса, кюлгенинге тюберсе.
- Иги болса, тамадама – махтау, аман болса, меннге – айыб.
- Ёнгкюч къууана барыр, джылай келир.
Келигиз тауча жырла жырлайыкъ!
18.02.2010 13:00:28
:smt006 :smt006 :smt006 :smt006
|
|
|
|
23.11.2010 20:15:25
Джырчы Исмаилни сёзлеридиле да ала?(Ата,Ана)...Мен джазарма кечрек!!....Думаю эти стихи доводят до слёз многих.......
|
|
|
|
02.06.2011 01:38:43
|
|
|
|
16.10.2011 02:13:06
|
|
|
|
14.11.2011 01:15:39
Езденланы Сафар...
|
||||
|
|
|||
Читают тему (гостей: 1)