- Эринчекни эр алмаз, эр алса да, кёл салмаз, кёл салса да, кёб бармаз!
- Ёлюр джаннга, ёкюл джокъ.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Бек анасы джыламаз.
- Ёлген эшек бёрюден къоркъмайды.
- Ишлегенде эринме, ишде чолакъ кёрюнме.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Къонакъ аман болса, къонакъбай джунчур
- Башда акъыл болмаса, эки аякъгъа кюч джетер.
- Хар адамгъа кеси миннген тау кибик.
- Келгинчи, къонакъ уялыр, келгенден сора, къонакъбай уялыр.
- Эл ауузу – элек, анга ийнаннган – халек.
- Тилчи тилден къаныкъмаз.
- Ат да турмайды бир териде.
- Тёзгеннге, джабылгъан эшик ачылыр.
- Сёз сёзню айтдырыр.
- Чомарт бергенин айтмаз.
- Акъыл аздырмаз, билим тоздурмаз.
- Билими азны – ауузунда кирит.
- Джаш болсун, къыз болсун, акъылы, саны тюз болсун.
- Къолунгдан къуймакъ ашатсанг да, атаны борчундан къутулмазса.
- Джукъу тёшек сайламайды.
- Ашыкъгъан cуу, тенгизге джетмез.
- Адебни адебсизден юрен.
- Арба аугъандан сора, джол кёргюзтюучю кёб болур.
- Сабий кёргенин унутмаз.
- Бал ашаргъа сюе эсенг, чибин ургъаннга тёз.
- Мадар болса, къадар болур.
- Хата – гитчеден.
- Онгсузну – джакъла, тенгликни – сакъла.
- Къая джолда джортма, ачыкъ сёзден къоркъма.
- Хатерли къул болур.
- Адамны аманы адамны бети бла ойнар.
- Ёлюк кебинсиз къалмаз.
- Бастасын ашагъан, хантусун да ичер.
- Джумушакъ сёз къаты таякъны сындырыр.
- Телини эшигин, махтау джабар.
- Биреуге кёлтюрген таягъынг, кесинги башынга урур.
- Дууулдаса – бал чибин, къонса – къара чибин.
- Аман хансны – урлугъу кёб.
- Ушамагъан – джукъмаз.
- Эл ауузу – элия.
- Келинин тута билмеген, къул этер, къызын тута билмеген, тул этер.
- Кийиминг бла танылма, адамлыкъ бла таныл.
- Къууут – джелге, берне – бошха.
- Ач уят къоймаз.
- Байлыкъ болгъан джерде, тынчлыкъ джокъду.
- Чомартны къолу берекет.
- Суу да къайтады чыкъгъан джерине.
- Къызбайны юйюне дери сюрсенг, батыр болур.
Келигиз тауча жырла жырлайыкъ!
18.02.2010 13:00:28
:smt006 :smt006 :smt006 :smt006
|
|
|
|
23.11.2010 20:15:25
Джырчы Исмаилни сёзлеридиле да ала?(Ата,Ана)...Мен джазарма кечрек!!....Думаю эти стихи доводят до слёз многих.......
|
|
|
|
02.06.2011 01:38:43
|
|
|
|
16.10.2011 02:13:06
|
|
|
|
14.11.2011 01:15:39
Езденланы Сафар...
|
||||
|
|
|||
Читают тему (гостей: 1)