Войти на сайт
17 Января  2018 года

 

  • Ариу сёз джыланны орнундан чыгъарыр.
  • Джолунга кёре – джюрюшюнг, джагъанга кёре – юлюшюнг.
  • Ата – билек, ана – джюрек!
  • Кесине гебен этелмеген, биреуге черен эте эди.
  • Ёксюзню тилеги къабыл болур.
  • Эр абынмай, эл танымаз.
  • Эл тойса, тоймагъан, эл къойса, къоймагъан.
  • Агъач халкъгъа алтынды, иссиликге салкъынды.
  • Ишленмеген джаш – джюгенсиз ат, ишленмеген къыз – тузсуз хант.
  • Сёз къанатсыз учар.
  • Кийимни бичсенг, кенг бич, тар этген къыйын тюлдю.
  • Ишлегенде эринме, ишде чолакъ кёрюнме.
  • Аууздан келген, къолдан келсе, ким да патчах болур эди.
  • Ётюрюкню башын керти кесер.
  • Шайтан алдады, тюзлюк къаргъады.
  • Бал чибинни ургъаны – ачы, балы – татлы.
  • Башы ишлегенни, ауузу да ишлер.
  • Ана къолу ачытмаз.
  • Гырджын – тепсини тамадасы.
  • Алма терегинден кери кетмез.
  • Акъыллы айтыр эди, акъылсыз къоймайды.
  • Акъыл бла адеб эгизледиле.
  • Ойнаб айтсанг да, эслеб айт.
  • Ашаса, ашамаса да, бёрюню ауузу – къан.
  • Чыкълы кюнде чыкъмагъан, чыкъса къуру кирмеген.
  • Бичгенде ашыкъма, тикгенде ашыкъ.
  • Ашатыргъа иш – ашхы, ишлетирге аш – ашхы.
  • Байлыкъ болгъан джерде, тынчлыкъ джокъду.
  • Джаш болсун, къыз болсун, акъылы, саны тюз болсун.
  • Ётюрюк хапар аякъ тюбю бла джюрюйдю.
  • Эли джокъну – кёлю джокъ.
  • Ач къалгъандан, кеч къалгъан къолай.
  • Къарын къуру болса, джюрек уру болур.
  • Зарда марда джокъ.
  • Этни бети бла шорпасы.
  • Башы джабылгъан челекге, кир тюшмез.
  • Чалманны аллы къалай башланса, арты да алай барады.
  • Ауругъаннга – кийик саулукъ, джетген къызгъа – чилле джаулукъ.
  • Тёзген – тёш ашар!
  • Ашын ашагъанынгы, башын да сыйла.
  • Билмегенинги, билгеннге сор.
  • Магъанасыз сёз – тауушсуз сыбызгъы.
  • Ашда – бёрю, ишде – ёлю.
  • Насыблы элин сюер, насыбсыз кесин сюер.
  • Къан бла кирген, джан бла чыгъар.
  • Бозанг болмагъан джерге, къалагъынгы сукъма.
  • Тилчи бир сагъатха айлыкъ хата этер.
  • Джеринден айырылгъан – джети джылар, джуртундан айырылгъан – ёлгюнчю джылар.
  • Гитче джилтин уллу элни джандырыр.
  • Къайгъыны сюйген, къайгъы табар.

 

Страницы: 1
RSS
Гапалау
 
Салам алейкум, джамагъат!

?Гапалау? деб Тreasure ачхан бир темагъа тюртюлюб къалгъанма да, ол а не ючюн эсе да джабылыб турады. Мени уа бир къошарыгъым бар эди да, къайтарыб тема ачама. Айыб этмегиз.

Сау болсун, Лайпанланы Сейит. Къалай таза, ариу тил бла джазыб чыгъаргъанды бизге Гапалауну хапарын. Алай а, ол хапарны арт сёзлерине сескекли болдум:
? Гапалау бла некяхлы къыз Чотчаланы Тана артаракъда Схауатда Хасанладан биреуге эрге кетгенди.?

Мен билиб, мени къарт атам Биджиланы Семен Исмаилны джашы Тюркден къайтыб келиб юйленгенди Гапалауну юй бийчесине (къызлыкъда Ёртенланы Ёлмасхан). Гапалауну къызчыгъы Салпагъарланы Шерифат бла (чам аты Шла) мени атам Биджиланы Мухаммат (чам аты Джашчыкъ) бир анадан Ёртенланы Ёлмасхандан туугъандыла. Джашагъанлары Элтаркъач элни Будиян къулагъында болгъанды. Шла Къарачайда медицина окъууну бошаб чыкъгъан биринчи къыз болгъанды. Гапалауну кёзюнден кёрюб, халкъ Шланы эркелетиб, багъалатыб тургъанды. Шла, акушерка болуб, кеси къарагъан ауругъан адамдан аман ауруу джугъуб, мындан да кетгенчи джаш къызлай аушханды. Джандетли болсун, Эльтаркъачны огъары къабырларында бастырылгъанды. Сын ташы, Аллахгъа шукур, бюгюн да турады. Кёб джылны мундан алгъа, анамы аузундан Шланы кюуюн да джазыб чыкъгън эдим, табалмайма ансы. Кюуде Гапалауну къызы болгъаны да айтылады. Бюгюн да барды элде Шланы кюуюн джырлаучу эки адам.

Муну джазыб кюрешгеним?
Башында хапар бла мени хапарым бир бирине келишмейди.
Джамагъат, артыкъ да бек Салпагъарлары!
Бу хапаргъа сёз къошарыкъ табылса джарарыкъ эди. Соругъуз бир биригизге, къартларыбызгъа...

Разыма барыгъызгъада.
 
УААЛЕЙКУМСАЛАМ!
Бюгюн да барды элде Шланы кюуюн джырлаучу эки адам.
Берекет
КЪАЙСЫ ЭЛДЕНСИЗ?
 
ALANULAN

Мен билиб, Эльтаркъач элде Лайпанланы Ханапий да, Айбазланы Адей да джырлаучандыла бу кюуню.
 
САУ БОЛ Берекет!
 
ALANULAN, да джибергенем адамланы, кюуню сёзю экисинде да башха тюрлю болуб къалыргъа боллукъду, барыб Ханапийден да, Адейден да джазыб алыъыз Шланы кюун деп. ?Хо!? деп чабышхандыла, алай а бизде алайдыда, ?хону? дженгил айтабыз да ишни баджармайбыз. Сакълайма... Джангы джылгъа кесим барыб джазарыкъ болурма, былайгъада чыгъарырма. Гитчеликден эсимдеди, Шла уллу билгичи болхан къыз болуб, халкъны сеирсиндириб тургъанды, кюуню да, кете баргъанын билиб, джандетли болсун, кеси джазгъанды, деген хапарла.

Сау болну уа, кел экибиз да ол Тreasure деген къызчыкъгъа айтайыкъ.
Сау бол, Тreasure, разыма бек, къайдан эсе да теренден къазыб этген ишинге.
 
Берекет
Страницы: 1
Читают тему (гостей: 1)

 

Написать нам