- Ана кёлю – балада, бала кёлю – талада.
- Хансыз джомакъ болмаз.
- Халкъгъа джарагъан, джарлы къалмаз.
- Ёлюк кебинсиз къалмаз.
- Таукел адам тау тешер.
- Къарт болгъан джерде, берекет болур, сабий болгъан джерде, оюн болур.
- Махтаннган къыз, тойда джукълар.
- Бёрю да ач къалмасын, эчки да ашалмасын.
- Акъдан къара болмаз.
- Ашхы – джыяр, аман – джояр.
- Алгъанда – джууукъ, бергенде – джау.
- Атадан ёксюз – бир ёксюз, анадан ёксюз – эки ёксюз.
- Этим кетсе да, сюегим къалыр.
- Айран тёгюлсе, джугъусу къалыр.
- Тау башында, тау болмаз, джангыз терек, бау болмаз.
- Окъдан джара эртде-кеч болса да бителир, сёз джара, ёмюрге къалыр.
- Аманнга игилик этсенг, юйюнге сау бармазса.
- Байдан умут эте, джарлыдан ёгюз багъасы къорады.
- Телиге акъыл салгъандан эсе, ёлгеннге джан салырса.
- Къолунгдан къуймакъ ашатсанг да, атаны борчундан къутулмазса.
- Тил бла келеди джыр да.
- Биреуге кёлтюрген таягъынг, кесинги башынга урур.
- Бети бедерден, намыс сакълама.
- Хатерли къул болур.
- Экиндини кеч къылсанг, чабыб джетер ашхам.
- Уясында не кёрсе, учханында аны этер.
- Адебни адебсизден юрен.
- Ауругъан – джашаудан умутчу.
- Къуру гыбыт бек дыгъырдар.
- Ат басханны джер билед.
- Къыз чыгъаргъан – къызыл къымжа.
- Алтыда кюлмеген, алтмышда кюлмез.
- Байны оноуу, джарлыгъа джарамаз.
- Кеси юйюмде мен да ханма.
- Суугъа – чабакъ, къаягъа – ыргъакъ.
- Гыдай эчки суугъа къараб, мюйюзле кёрмесе, джашма алкъын, дегенди.
- Элни кючю – эмеген.
- Сакъ юйюне сау барыр.
- Акъыл бла адеб эгизледиле.
- Къошда джокъгъа – юлюш джокъ.
- Аууз сакълагъан – джан сакълар.
- Ариу сёз – къылычдан джити.
- Джиби бир къат джетмей эди да, эки къат тарта эди.
- Башы джабылгъан челекге, кир тюшмез.
- Ашатыргъа иш – ашхы, ишлетирге аш – ашхы.
- Чарсда алчыны эл кёреди.
- Кийим тукъум сордурур.
- Сютден ауузу кюйген, суугъа юфгюре эди.
- Элде адам къалмаса, ит тахтагъа минер.
- Чыкълы кюнде чыкъмагъан, чыкъса къуру кирмеген.
Гапалау
21.12.2010 02:18:29
УААЛЕЙКУМСАЛАМ!
Бюгюн да барды элде Шланы кюуюн джырлаучу эки адам. Берекет КЪАЙСЫ ЭЛДЕНСИЗ? |
|
|
|
22.12.2010 02:08:48
ALANULAN
Мен билиб, Эльтаркъач элде Лайпанланы Ханапий да, Айбазланы Адей да джырлаучандыла бу кюуню. |
|
|
|
24.12.2010 01:32:02
САУ БОЛ Берекет!
|
|
|
|
25.12.2010 00:17:16
Берекет
|
||||
|
|
|||
Читают тему (гостей: 1)