- Айырылгъанланы айю ашар, бёлюннгенлени бёрю ашар.
- Сёз – кюмюш, джыр – алтын.
- Кийимни бичсенг, кенг бич, тар этген къыйын тюлдю.
- Ашыкъгъанны этеги бутуна чырмалыр.
- Магъанасыз сёз – тауушсуз сыбызгъы.
- Къызны минг тилер, бир алыр.
- Джогъун бар этген, барын бал этген.
- Бойнуму джети джерден кессенг да, мен ол ишни этеллик тюлме.
- Тюкюрюк баш джармаз, налат кёз чыгъармаз!
- Акъыл неден да кючлюдю.
- Чабакъсыз кёлге къармакъ салгъанлыкъгъа, чабакъ тутмазса.
- Джан саулукъ бермей, сан саулукъ бермезсе.
- Ёмюрлюк шохлукъну джел элтмез.
- Джюрекден джюрекге джол барды.
- Къарнынг къанлынга кийирир.
- Азыкъ аз болса, эртде орун сал.
- Намыс болмагъан джерде, насыб болмаз.
- Тёзгеннге, джабылгъан эшик ачылыр.
- Сормай – алма, чакъырылмай – барма.
- Билим къая тешер.
- Тойгъандан сора, ашны сёкме.
- Сууда джау джокъ, кёб сёзде магъана джокъ.
- Тёгюлген тюгел джыйылмайды.
- Эл ауузу – элек, анга ийнаннган – халек.
- Соргъан айыб тюлдю, билмеген айыбды.
- Биреуню къыйынлыгъы бла кесинге джол ишлеме.
- Суу да къайтады чыкъгъан джерине.
- Экеулен сёлеше тура эселе, орталарына барыб кирме.
- Джырына кёре эжиую.
- Джолда аягъынга сакъ бол, ушакъда тилинге сакъ бол.
- Сибиртки да сыйлы болду, кюрек да кюнлю болду.
- Къонагъы джокъну – шоху джокъ.
- Джашынгы кесинг юретмесенг, джашау юретир.
- Башы джабылгъан челекге, кир тюшмез.
- Арбаз къынгырды да, ийнек сауалмайма.
- Тойгъан антын унутур.
- Аджал соруб келмез, келсе, къайтыб кетмез.
- Окъугъан – асыу, окъумагъан – джарсыу.
- Баш болса, бёрк табылыр.
- Къызын тута билмеген, тул этер, джашын тута билмеген, къул этер.
- Ойнаб айтсанг да, эслеб айт.
- Азыгъы аз, алгъа къабар, аты аман, алгъа чабар.
- Кёб джашагъан – кёб билир.
- Алтыда кюлмеген, алтмышда кюлмез.
- Минг тенг да азды, бир джау да кёбдю.
- Урама да – ёледи, сатама да – келеди.
- Адамны сабийин сюйген джюреги, бычакъча, джитиди.
- Къайгъыны сюйген, къайгъы табар.
- Иги сеники эсе да, сюйген кесимикин этеме.
- Аман киши кеси юйюнде – къонакъ.
Гапалау
|
УААЛЕЙКУМСАЛАМ!
Бюгюн да барды элде Шланы кюуюн джырлаучу эки адам. Берекет КЪАЙСЫ ЭЛДЕНСИЗ? |
|
|
|
|
|
ALANULAN
Мен билиб, Эльтаркъач элде Лайпанланы Ханапий да, Айбазланы Адей да джырлаучандыла бу кюуню. |
|
|
|
|
|
САУ БОЛ Берекет!
|
|
|
|
|
|
Берекет
  |
||||
|
|
|
|||
Читают тему (гостей: 1)