- Уллу айтханны этмеген – уллаймаз.
- Къая джолда джортма, ачыкъ сёзден къоркъма.
- Бермеген къол, алмайды.
- Кийимни бир кюнню аясанг, минг кюннге джарар.
- Экеу тутушса, биреу джыгъылыр.
- Биреуню тёрюнден, кесинги эшик артынг игиди.
- Къарт болгъан джерде, берекет болур, сабий болгъан джерде, оюн болур.
- Бал чибинни ургъаны – ачы, балы – татлы.
- Тёгюлген тюгел джыйылмайды.
- Тенгинг джокъ эсе – изле, бар эсе – сакъла!
- Акъыллы айтыр эди, акъылсыз къоймайды.
- Ханы къызы буюгъа-буюгъа киштик болду.
- Этек чакъмакълары баш джаргъан, сёлешген сёзлери таш джаргъан.
- Халкъгъа джарагъан, джарлы къалмаз.
- Тил – миллетни джаны.
- Кечеси – аяз, кюню – къыш, джарлы къаргъагъа бир аш тюш!
- Къатыны харакетли болса, эри къымсыз болур.
- Таугъа чыгъаллыкъ эсенг, тюзде къалма.
- Чомарт бергенин айтмаз.
- Эки элинги тыйсанг, джети элде махталырса.
- Джуртун къоругъан озар.
- Ёлген эшек бёрюден къоркъмайды.
- Тойгъанлыкъ къойгъа джарашады.
- Сыфатында болмагъаны, суратында болмаз.
- Ётюрюк хапар аякъ тюбю бла джюрюйдю.
- Башланнган иш битер, къымылдагъан тиш тюшер.
- Чабакъ башындан чирийди.
- Бичгенде ашыкъма, тикгенде ашыкъ.
- Билими азны – ауузунда кирит.
- Иги адамны бир сёзю эки болмаз.
- Чомарт джарлы болмаз.
- Ачылгъан эт джабылыр, кёрген кёз унутмаз.
- Тюзлюк шохлукъну бегитир.
- Татлы сёз – балдан татлы.
- Элиб деген, элге болушур.
- Къууут – джелге, берне – бошха.
- Болджал ишни бёрю ашар.
- Кёзюнде тереги болгъан, чёбю болгъаннга кюле эди.
- Тынгылагъан тынгы бузар.
- Оюмсуз атлагъан, аджалсыз ёлюр.
- Ким бла джюрюсенг, аны кёзю бла кёрюнюрсе.
- Иги бла джюрюсенг, джетерсе муратынга, аман бла джюрюсенг, къалырса уятха.
- Эшекге миннген – биринчи айыб, андан джыгъылгъан – экинчи айыб.
- Ауругъан – джашаудан умутчу.
- Ашыкъгъан cуу, тенгизге джетмез.
- Суу да къайтады чыкъгъан джерине.
- Окъуу – билимни ачхычы, окъуу – дунияны бачхычы.
- Терек ауса, отунчу – кёб.
- Халкъны джырын джырласанг, халкъ санга эжиу этер.
- Таш бла ургъанны, аш бла ур.
Гапалау
21.12.2010 02:18:29
УААЛЕЙКУМСАЛАМ!
Бюгюн да барды элде Шланы кюуюн джырлаучу эки адам. Берекет КЪАЙСЫ ЭЛДЕНСИЗ? |
|
|
|
22.12.2010 02:08:48
ALANULAN
Мен билиб, Эльтаркъач элде Лайпанланы Ханапий да, Айбазланы Адей да джырлаучандыла бу кюуню. |
|
|
|
24.12.2010 01:32:02
САУ БОЛ Берекет!
|
|
|
|
25.12.2010 00:17:16
Берекет
|
||||
|
|
|||
Читают тему (гостей: 1)