Войти на сайт
16 Апреля 2024 года

 

  • Ач отунчуну ачыуу – бурнунда.
  • Эм уллу байлыкъ – джан саулукъ.
  • Къонагъы джокъну – шоху джокъ.
  • Чабар ат – джетген къыз.
  • Байлыкъ болгъан джерде, тынчлыкъ джокъду.
  • Булут кёкге джарашыу, уят бетге джарашыу.
  • Тёзген – тёш ашар!
  • Билим ат болуб да чабар, къуш болуб да учар.
  • Къарнынг бла ёч алма.
  • Ётюрюкчюню шагъаты – къатында.
  • Аман адам элни бир-бирине джау этер.
  • Къолу уллу – асыу, аягъы уллу – джарсыу.
  • Акъыл къартда, джашда тюйюлдю – башдады.
  • Келинни – келгинчи, бёркню кийгинчи кёр.
  • Айтхан сёзюне табылгъан.
  • Чакъырылмагъан къонакъ тёрге атламаз.
  • Къонакъ кёб келюучю юйню, къазаны отдан тюшмез.
  • Окъугъан озар, окъумагъан тозар.
  • Уллу сёзде уят джокъ.
  • Нёгер болсанг, тенг бол, тенг болмасанг, кенг бол.
  • Тёрени джагъы джокъ.
  • Ашын ашагъанынгы, башын да сыйла.
  • Ёзденликни кёбю ётюрюк.
  • Къарнынг тойгъунчу аша да, белинг талгъынчы ишле.
  • Мен да «сен», дейме, сен да «кесим», дейсе.
  • Суу да къайтады чыкъгъан джерине.
  • Джаш болсун, къыз болсун, акъылы, саны тюз болсун.
  • Сакъ юйюне сау барыр.
  • Джангыз торгъай джырламаз.
  • Байма, деб да, къууанма, джарлыма, деб да, джылама.
  • Кёпюр салгъан кеси ётер, уру къазгъан кеси кетер.
  • Джашынгы кесинг юретмесенг, джашау юретир.
  • Тойгъа алгъа да барма, тойда артха да къалма.
  • Намыс сатылыб алынмайды.
  • Къарт болгъан джерде, берекет болур, сабий болгъан джерде, оюн болур.
  • Билимден уллу байлыкъ джокъду.
  • Оюмсуз атлагъан, аджалсыз ёлюр.
  • Телиге от эт десенг, юйюнге от салыр.
  • Таш ата билмеген, башына урур.
  • Айтханы чапыракъдан ётмеген.
  • Чакъырылмагъан къонакъ – орунсуз.
  • Къатыны харакетли болса, эри къымсыз болур.
  • Эки ойлашыб, бир сёлешген.
  • Кийим тукъум сордурур.
  • Къайгъы тюбю – тенгиз.
  • Мадар болса, къадар болур.
  • Ёгюзню мюйюзюнден тутадыла, адамны сёзюнден тутадыла.
  • Аман къатын сабий табса, бий болур…
  • Кёб джат да, бек чаб.
  • Игини сыйлагъан адетди.

 

Архив Форума » Зеленый Форум [архив] » - ЗФ - Ана тилибизде
Страницы: 1
RSS
Гапалау
 
#1
Джаратама0
20.12.2010 23:07:35
Салам алейкум, джамагъат!

?Гапалау? деб Тreasure ачхан бир темагъа тюртюлюб къалгъанма да, ол а не ючюн эсе да джабылыб турады. Мени уа бир къошарыгъым бар эди да, къайтарыб тема ачама. Айыб этмегиз.

Сау болсун, Лайпанланы Сейит. Къалай таза, ариу тил бла джазыб чыгъаргъанды бизге Гапалауну хапарын. Алай а, ол хапарны арт сёзлерине сескекли болдум:
? Гапалау бла некяхлы къыз Чотчаланы Тана артаракъда Схауатда Хасанладан биреуге эрге кетгенди.?

Мен билиб, мени къарт атам Биджиланы Семен Исмаилны джашы Тюркден къайтыб келиб юйленгенди Гапалауну юй бийчесине (къызлыкъда Ёртенланы Ёлмасхан). Гапалауну къызчыгъы Салпагъарланы Шерифат бла (чам аты Шла) мени атам Биджиланы Мухаммат (чам аты Джашчыкъ) бир анадан Ёртенланы Ёлмасхандан туугъандыла. Джашагъанлары Элтаркъач элни Будиян къулагъында болгъанды. Шла Къарачайда медицина окъууну бошаб чыкъгъан биринчи къыз болгъанды. Гапалауну кёзюнден кёрюб, халкъ Шланы эркелетиб, багъалатыб тургъанды. Шла, акушерка болуб, кеси къарагъан ауругъан адамдан аман ауруу джугъуб, мындан да кетгенчи джаш къызлай аушханды. Джандетли болсун, Эльтаркъачны огъары къабырларында бастырылгъанды. Сын ташы, Аллахгъа шукур, бюгюн да турады. Кёб джылны мундан алгъа, анамы аузундан Шланы кюуюн да джазыб чыкъгън эдим, табалмайма ансы. Кюуде Гапалауну къызы болгъаны да айтылады. Бюгюн да барды элде Шланы кюуюн джырлаучу эки адам.

Муну джазыб кюрешгеним?
Башында хапар бла мени хапарым бир бирине келишмейди.
Джамагъат, артыкъ да бек Салпагъарлары!
Бу хапаргъа сёз къошарыкъ табылса джарарыкъ эди. Соругъуз бир биригизге, къартларыбызгъа...

Разыма барыгъызгъада.
 
 
 
#2
Джаратама0
21.12.2010 02:18:29
УААЛЕЙКУМСАЛАМ!
Бюгюн да барды элде Шланы кюуюн джырлаучу эки адам.
Берекет
КЪАЙСЫ ЭЛДЕНСИЗ?
 
 
 
#3
Джаратама0
22.12.2010 02:08:48
ALANULAN

Мен билиб, Эльтаркъач элде Лайпанланы Ханапий да, Айбазланы Адей да джырлаучандыла бу кюуню.
 
 
 
#4
Джаратама0
24.12.2010 01:32:02
САУ БОЛ Берекет!
 
 
 
#5
Джаратама0
24.12.2010 13:29:48
ALANULAN, да джибергенем адамланы, кюуню сёзю экисинде да башха тюрлю болуб къалыргъа боллукъду, барыб Ханапийден да, Адейден да джазыб алыъыз Шланы кюун деп. ?Хо!? деп чабышхандыла, алай а бизде алайдыда, ?хону? дженгил айтабыз да ишни баджармайбыз. Сакълайма... Джангы джылгъа кесим барыб джазарыкъ болурма, былайгъада чыгъарырма. Гитчеликден эсимдеди, Шла уллу билгичи болхан къыз болуб, халкъны сеирсиндириб тургъанды, кюуню да, кете баргъанын билиб, джандетли болсун, кеси джазгъанды, деген хапарла.

Сау болну уа, кел экибиз да ол Тreasure деген къызчыкъгъа айтайыкъ.
Сау бол, Тreasure, разыма бек, къайдан эсе да теренден къазыб этген ишинге.
 
 
 
#6
Джаратама0
25.12.2010 00:17:16
Берекет
 
 
 
Страницы: 1
Читают тему (гостей: 1)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2024 Elbrusoid.org  |  Все права защищены Законами Гор.