- Иги – алгъыш этер, аман – къаргъыш этер.
- Джангыз терек къынгыр ёсер.
- Сабыр джетер муратха, сабырсыз къалыр уятха.
- Чоюнну башы ачыкъ болса, итге уят керекди.
- Берекет берсин деген джерде, берекет болур.
- Джюрек кёзден алгъа кёрюр.
- Махтаннган къыз, тойда джукълар.
- Тёзген – тёш ашар!
- Къарыусузгъа кюлме, онгсузгъа тийме.
- Миллетни бойну – базыкъ, аны бла кюрешген – джазыкъ.
- Джети тилни билген джети кишиди.
- Нёгер болсанг, тенг бол, тенг болмасанг, кенг бол.
- Аджалсыз ёлюм болмаз.
- Башсыз урчукъ тюзюне айланмаз.
- Сакъ юйюне сау барыр.
- Ариу сёзде ауруу джокъ.
- Хунаны тюбюн къазсанг, юсюнге ауар.
- Элге къуллукъ этмеген, элге ие болмаз.
- Ёксюзню тилеги къабыл болур.
- Ашхы сёз таш тешер.
- Эринчекни эр алмаз, эр алса да, кёл салмаз, кёл салса да, кёб бармаз!
- Джарлыны тону джаз битер.
- Ёнгкюч къууана барыр, джылай келир.
- Сакъламагъан затынга джолукъсанг, не бек къууанаса, не бек ачыйса.
- Сескекли кесин билдирир.
- Аманны къуугъан, аманлыкъ табар.
- Алтыннга тот къонмаз.
- Айтхан сёзюне табылгъан.
- Тёрени джагъы джокъ.
- Кеси юйюмде мен да ханма.
- Халкъны юйю – туугъан джери.
- Ачны эсинде – аш.
- Игилик игилик бла сингдирилиучю затды.
- Шайтан алдады, тюзлюк къаргъады.
- Бойнуму джети джерден кессенг да, мен ол ишни этеллик тюлме.
- Тойну къарнашы – харс, джырны къарнашы – эжиу.
- Ачлыкъда тары гырджын халыуадан татлы.
- Эр сокъур болсун, къатын тилсиз болсун.
- Тилчиден кери бол.
- Кёпюр салгъан кеси ётер, уру къазгъан кеси кетер.
- Оюмсуз атлагъан, аджалсыз ёлюр.
- Орну джокъну – сыйы джокъ.
- От этилмеген джерден тютюн чыкъмайды.
- Ач къалгъандан, кеч къалгъан къолай.
- Джарлы тюеге минсе да, ит къабар.
- Суу кетер, таш къалыр.
- Эте билген, этген этеди, эте билмеген, юретген этеди!
- Уллу къазанда бишген эт, чий къалмаз.
- Башы ишлегенни, ауузу да ишлер.
- Биреуге аманлыкъны тилеме да, кесинге ашхылыкъны тиле.
Сабийлеге къонакъгъа, келгендиле джомакъла!!!
16.12.2008 01:31:06
Ариу джырчыкъ Ким болса да джазса иги боллукъ эди бютеу куплетлерин да |
|
|
|
16.12.2008 01:53:33
Къуш къанатларым
Болса уа сени Таулагъа алыб учарем ... бир джерде табалмай къалдым толусу бла бу джырны а есимде къалгъан а биринчи бла къуру да ма буду... |
|
|
|
16.12.2008 02:16:09
Рамла
Къуш къанатларым Болса уа сени Таулагъа алыб учарем ... бир джерде табалмай къалдым толусу бла бу джырны а есимде къалгъан а биринчи бла къуру да ма буду... спесиальНа for you Салкъын аязчыкъ Джаз пажалыста Благодарить не надо, все свободны |
|
|
|
16.12.2008 02:20:43
всезнайка
Джаным , кёзюм бек-бек-бек саубол блай эшитгенлейиме, джылаб иейем аздан къалсам... бу джыр мени сабийлигимди |
|
|
|
16.12.2008 02:25:18
Рамла
всезнайка Джаным , кёзюм бек-бек-бек саубол Ля ташкурууни |
|
|
|
16.12.2008 02:27:05
Кече джарыкъды
Тёгерек шошду Бир къайгъы этме,сен джукъла Мен да сакълайма сени джукъунгу Джукъла джаным, татлы джукъла! а блайчыгъын нек джырламады? |
|
|
|
17.12.2008 14:37:54
Акъыллычыкъ
Бай юйден келин кёрейим. Так актуально в наше время |
|
|
|
20.12.2008 17:03:05
Девушка Гор
Бу назмучукъну тюрлю-тюрлю эшитгенме, билгенле, эринмегиз да джазыгъыз Мен башха тюрлюрегин биле эдим, юйге барсам бир джазарма! |
|
|
|
21.12.2008 00:17:41
Акъыллычыкъ
Сакълайбыз |
|
|
|
22.12.2008 00:30:07
А китаб бармыды къарачай-малкъар джомакъл деб? Къайда сатыб алыргъа боллукъду?
|
|
|
|
22.12.2008 00:32:25
Рамла
А китаб бармыды къарачай-малкъар джомакъл деб? Къайда сатыб алыргъа боллукъду? Бимейме тоба, мен андан-мындан джыяма, фольклордан, мифледен, нарт эпосдан... |
|
|
|
22.12.2008 00:47:16
Бир иги боллукъ эди ма аллай бир китаб чыгъарсала. Аланы да артдан Эльбрусоидде сатсала))
|
|
|
|
22.12.2008 01:31:11
Рамла
Бир иги боллукъ эди ма аллай бир китаб чыгъарсала. Аламат иш боллукъ эди, ансын сабийлеге незатны окъургъа билмей къаласа |
|
|
|
22.12.2008 04:04:32
Акъыллычыкъ
ансын сабийлеге незатны окъургъа билмей къаласа Сен окъуйма де ансын, мен сенге китабла табарма |
|
|
|
23.12.2008 01:50:10
Эм гитчечиклеге бу назмучукъну да айтыргъа боллукъду, дженгил тилленикди сабий, деб турама!
Тарта-соза, муну джашла оза, Тарта-соза, муну къызла оза, Тарта- соза, барысын да бу оза! |
|
|
|
24.12.2008 02:57:19
Бейбарс
Бизни ушагъыбызгъа къошулуб, сабийчиклеге билген назмуларыгъыздан, таурухладан айта турлугъугъузгъа ышанабыз! |
|
|
|
24.12.2008 13:43:51
Бейбарс
Биз тынгылы ушакъ этербиз деген умутлума. Бу ушакъгъа жазыучуларыбыз, устазларыбыз, ата-анала да къошулсала аламт боллукъ эди. Аламат сёзле! Да келигиз сагъыш этейик... |
|
|
|
Читают тему (гостей: 2)