- Къыз тиширыу кеси юйюнде да къонакъды.
- Адам къыйынлыгъын кёлтюрюр, зауукълугъун кёлтюрмез.
- Аджаллыгъа окъсуз шкок атылыр.
- Агъач – джерни чырайы, кийим – эрни чырайы.
- Аякъларынгы джууургъанынга кёре узат.
- Ариуну – ауруу кёб.
- Орундукъ тюбюнде атылсам да, орта джиликме, де да айлан.
- Болджал ишни бёрю ашар.
- Къарны аманнга къазан такъдырма, къолу аманнга от джакъдырма.
- Къонагъы джокъну – шоху джокъ.
- Джигер – джаннга къыйынлыкъ.
- Окъдан джара эртде-кеч болса да бителир, сёз джара, ёмюрге къалыр.
- Чомарт къолда мал къалмаз.
- Нарт сёз – тилни бети.
- Бойнуму джети джерден кессенг да, мен ол ишни этеллик тюлме.
- Юреннген ауруу къалмаз.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Акъыллы эркиши атын махтар, акъылсыз эркиши къатынын махтар.
- Бозаны арты дауур болур.
- Мадар болса, къадар болур.
- Келлик заман – къартлыкъ келтирир, кетген заман – джашлыкъ ёлтюрюр.
- Кёлсюзден сёзсюз тууар.
- Джарлыны тону джаз битер.
- Игини сыйлагъан адетди.
- Ауругъаннга – кийик саулукъ, джетген къызгъа – чилле джаулукъ.
- Ашхы тенг джолгъа салыр, аман тенг джолдан тайдырыр.
- Баланы адам этген анады.
- Ариу джол аджал келтирмез.
- Терек ауса, отунчу – кёб.
- Рысхы – насыбха къор.
- Бозанг болмагъан джерге, къалагъынгы сукъма.
- Билими азны – ауузунда кирит.
- Ашхылыкъ джерде джатмайды, аманлыкъ суугъа батмайды.
- Эркишиге тары кебек танг кёрюнюр.
- Ёмюрлюк шохлукъну джел элтмез.
- Мураты болгъанны джюрек тебюую башхады.
- Тамчы таш тешер.
- Ачыкъ джюрекге джол – ачыкъ.
- Таукелге нюр джауар.
- Ат да турмайды бир териде.
- Джахил болса анасы, не билликди баласы?
- Джаз бир кюнню джатсанг, къыш талай кюнню абынырса.
- Байны оноуу, джарлыгъа джарамаз.
- Джол бла сёзню къыйыры джокъ.
- Ёлмесенг да, къарт дамы болмазса?
- Байны къызы баймакъ болса да, юйде къалмаз!
- Тамбла алтындан бюгюн багъыр ашхы.
- Билеги кючлю, бирни джыгъар, билими кючлю, мингни джыгъар.
- Кёлю джокъну – джолу джокъ.
- Тамырсыз терекге таянма – джыгъылырса.
Сабийлеге къонакъгъа, келгендиле джомакъла!!!
16.12.2008 01:31:06
Ариу джырчыкъ Ким болса да джазса иги боллукъ эди бютеу куплетлерин да |
|
|
|
16.12.2008 01:53:33
Къуш къанатларым
Болса уа сени Таулагъа алыб учарем ... бир джерде табалмай къалдым толусу бла бу джырны а есимде къалгъан а биринчи бла къуру да ма буду... |
|
|
|
16.12.2008 02:16:09
Рамла
Къуш къанатларым Болса уа сени Таулагъа алыб учарем ... бир джерде табалмай къалдым толусу бла бу джырны а есимде къалгъан а биринчи бла къуру да ма буду... спесиальНа for you Салкъын аязчыкъ Джаз пажалыста Благодарить не надо, все свободны |
|
|
|
16.12.2008 02:20:43
всезнайка
Джаным , кёзюм бек-бек-бек саубол блай эшитгенлейиме, джылаб иейем аздан къалсам... бу джыр мени сабийлигимди |
|
|
|
16.12.2008 02:25:18
Рамла
всезнайка Джаным , кёзюм бек-бек-бек саубол Ля ташкурууни |
|
|
|
16.12.2008 02:27:05
Кече джарыкъды
Тёгерек шошду Бир къайгъы этме,сен джукъла Мен да сакълайма сени джукъунгу Джукъла джаным, татлы джукъла! а блайчыгъын нек джырламады? |
|
|
|
17.12.2008 14:37:54
Акъыллычыкъ
Бай юйден келин кёрейим. Так актуально в наше время |
|
|
|
20.12.2008 17:03:05
Девушка Гор
Бу назмучукъну тюрлю-тюрлю эшитгенме, билгенле, эринмегиз да джазыгъыз Мен башха тюрлюрегин биле эдим, юйге барсам бир джазарма! |
|
|
|
21.12.2008 00:17:41
Акъыллычыкъ
Сакълайбыз |
|
|
|
22.12.2008 00:30:07
А китаб бармыды къарачай-малкъар джомакъл деб? Къайда сатыб алыргъа боллукъду?
|
|
|
|
22.12.2008 00:32:25
Рамла
А китаб бармыды къарачай-малкъар джомакъл деб? Къайда сатыб алыргъа боллукъду? Бимейме тоба, мен андан-мындан джыяма, фольклордан, мифледен, нарт эпосдан... |
|
|
|
22.12.2008 00:47:16
Бир иги боллукъ эди ма аллай бир китаб чыгъарсала. Аланы да артдан Эльбрусоидде сатсала))
|
|
|
|
22.12.2008 01:31:11
Рамла
Бир иги боллукъ эди ма аллай бир китаб чыгъарсала. Аламат иш боллукъ эди, ансын сабийлеге незатны окъургъа билмей къаласа |
|
|
|
22.12.2008 04:04:32
Акъыллычыкъ
ансын сабийлеге незатны окъургъа билмей къаласа Сен окъуйма де ансын, мен сенге китабла табарма |
|
|
|
23.12.2008 01:50:10
Эм гитчечиклеге бу назмучукъну да айтыргъа боллукъду, дженгил тилленикди сабий, деб турама!
Тарта-соза, муну джашла оза, Тарта-соза, муну къызла оза, Тарта- соза, барысын да бу оза! |
|
|
|
24.12.2008 02:57:19
Бейбарс
Бизни ушагъыбызгъа къошулуб, сабийчиклеге билген назмуларыгъыздан, таурухладан айта турлугъугъузгъа ышанабыз! |
|
|
|
24.12.2008 13:43:51
Бейбарс
Биз тынгылы ушакъ этербиз деген умутлума. Бу ушакъгъа жазыучуларыбыз, устазларыбыз, ата-анала да къошулсала аламт боллукъ эди. Аламат сёзле! Да келигиз сагъыш этейик... |
|
|
|
Читают тему (гостей: 1)