- Башы ишлегенни, ауузу да ишлер.
- Чакъырылмагъан къонакъ къачан кетерин сормаз.
- Болджал ишни бёрю ашар.
- Алма терегинден кери кетмез.
- Аманнга алтын чыдамаз.
- Хансыз джомакъ болмаз.
- Этек чакъмакълары баш джаргъан, сёлешген сёзлери таш джаргъан.
- Сангырау къулакъ эл бузар.
- Малны кют, джерни тюрт.
- Айран ичген – къутулду, джугъусун джалагъан – тутулду.
- Джумушакъ терекни къурт ашар.
- Рысхы – сют юсюнде кёмюк кибикди.
- Ашхы сёз таш тешер.
- Ойнаб айтсанг да, эслеб айт.
- Халкъгъа джарагъан, джарлы къалмаз.
- Гугук кесини атын айтыб къычыргъанча, мен, мен деб нек тураса?
- Элге къуллукъ этмеген, элге ие болмаз.
- Тил – кесген бычакъ, сёз – атылгъан окъ.
- Тилчиден кери бол.
- Кесине оноу эте билмеген, халкъына да эте билмез.
- Насыблы элин сюер, насыбсыз кесин сюер.
- Ётген ёмюр – акъгъан суу.
- Кютгени беш эчки, сызгъыргъаны уа, джерни джарады.
- Биреуге аманлыкъ этиб, кесинге игилик табмазса.
- Билим къая тешер.
- Джумушакъ сёз къаты таякъны сындырыр.
- Билмегенинги, билгеннге сор.
- Билим ат болуб да чабар, къуш болуб да учар.
- Алгъанда – джууукъ, бергенде – джау.
- Ашда уялгъан – мухар, ишде уялгъан – хомух.
- Къатыны харакетли болса, эри къымсыз болур.
- Окъ къызбайны джокълайды.
- Ариу сёз – къылычдан джити.
- Эшекге миннген – биринчи айыб, андан джыгъылгъан – экинчи айыб.
- Ариуну – ауруу кёб.
- Тойгъанлыкъ къойгъа джарашады.
- Сютню башын джалагъан къутулур, тюбюн ичген тутулур.
- Айырылмаз джууугъунга, унутмаз сёзню айтма.
- Эки къатын алгъан – эки ташны ортасына башын салгъан.
- Ёмюрлюк шохлукъну джел элтмез.
- Къолунгдан къуймакъ ашатсанг да, атаны борчундан къутулмазса.
- Ауругъан – джашаудан умутчу.
- Арпа, будай – ащды, алтын, кюмюш а – ташды.
- Суу кетер, таш къалыр.
- Эм уллу байлыкъ – джан саулукъ.
- Кёбден умут этиб, аздан къуру къалма.
- Билим – акъылны чырагъы.
- Окъугъан озар, окъумагъан тозар.
- Юре билмеген ит, къонакъ келтирир.
- Аллахдан тилесенг, кёб тиле.
Сабийлеге къонакъгъа, келгендиле джомакъла!!!
16.12.2008 01:31:06
Ариу джырчыкъ Ким болса да джазса иги боллукъ эди бютеу куплетлерин да |
|
|
|
16.12.2008 01:53:33
Къуш къанатларым
Болса уа сени Таулагъа алыб учарем ... бир джерде табалмай къалдым толусу бла бу джырны а есимде къалгъан а биринчи бла къуру да ма буду... |
|
|
|
16.12.2008 02:16:09
Рамла
Къуш къанатларым Болса уа сени Таулагъа алыб учарем ... бир джерде табалмай къалдым толусу бла бу джырны а есимде къалгъан а биринчи бла къуру да ма буду... спесиальНа for you Салкъын аязчыкъ Джаз пажалыста Благодарить не надо, все свободны |
|
|
|
16.12.2008 02:20:43
всезнайка
Джаным , кёзюм бек-бек-бек саубол блай эшитгенлейиме, джылаб иейем аздан къалсам... бу джыр мени сабийлигимди |
|
|
|
16.12.2008 02:25:18
Рамла
всезнайка Джаным , кёзюм бек-бек-бек саубол Ля ташкурууни |
|
|
|
16.12.2008 02:27:05
Кече джарыкъды
Тёгерек шошду Бир къайгъы этме,сен джукъла Мен да сакълайма сени джукъунгу Джукъла джаным, татлы джукъла! а блайчыгъын нек джырламады? |
|
|
|
17.12.2008 14:37:54
Акъыллычыкъ
Бай юйден келин кёрейим. Так актуально в наше время |
|
|
|
20.12.2008 17:03:05
Девушка Гор
Бу назмучукъну тюрлю-тюрлю эшитгенме, билгенле, эринмегиз да джазыгъыз Мен башха тюрлюрегин биле эдим, юйге барсам бир джазарма! |
|
|
|
21.12.2008 00:17:41
Акъыллычыкъ
Сакълайбыз |
|
|
|
22.12.2008 00:30:07
А китаб бармыды къарачай-малкъар джомакъл деб? Къайда сатыб алыргъа боллукъду?
|
|
|
|
22.12.2008 00:32:25
Рамла
А китаб бармыды къарачай-малкъар джомакъл деб? Къайда сатыб алыргъа боллукъду? Бимейме тоба, мен андан-мындан джыяма, фольклордан, мифледен, нарт эпосдан... |
|
|
|
22.12.2008 00:47:16
Бир иги боллукъ эди ма аллай бир китаб чыгъарсала. Аланы да артдан Эльбрусоидде сатсала))
|
|
|
|
22.12.2008 01:31:11
Рамла
Бир иги боллукъ эди ма аллай бир китаб чыгъарсала. Аламат иш боллукъ эди, ансын сабийлеге незатны окъургъа билмей къаласа |
|
|
|
22.12.2008 04:04:32
Акъыллычыкъ
ансын сабийлеге незатны окъургъа билмей къаласа Сен окъуйма де ансын, мен сенге китабла табарма |
|
|
|
23.12.2008 01:50:10
Эм гитчечиклеге бу назмучукъну да айтыргъа боллукъду, дженгил тилленикди сабий, деб турама!
Тарта-соза, муну джашла оза, Тарта-соза, муну къызла оза, Тарта- соза, барысын да бу оза! |
|
|
|
24.12.2008 02:57:19
Бейбарс
Бизни ушагъыбызгъа къошулуб, сабийчиклеге билген назмуларыгъыздан, таурухладан айта турлугъугъузгъа ышанабыз! |
|
|
|
24.12.2008 13:43:51
Бейбарс
Биз тынгылы ушакъ этербиз деген умутлума. Бу ушакъгъа жазыучуларыбыз, устазларыбыз, ата-анала да къошулсала аламт боллукъ эди. Аламат сёзле! Да келигиз сагъыш этейик... |
|
|
|
Читают тему (гостей: 4)