- Агъач халкъгъа алтынды, иссиликге салкъынды.
- Тюзлюк тас болмайды.
- Эр сокъур болсун, къатын тилсиз болсун.
- Ёксюзню тилеги къабыл болур.
- Тик ёргени, тик энгишгеси да болады.
- Таш ата билмеген, башына урур.
- Ата Джуртуму башы болмасам да, босагъасында ташы болайым.
- Ана кёлю – балада, бала кёлю – талада.
- Уллу къазанда бишген эт, чий къалмаз.
- Ата – билек, ана – джюрек!
- Чомартха Тейри да борчлуду.
- Ётюрюк хапар аякъ тюбю бла джюрюйдю.
- Этим кетсе да, сюегим къалыр.
- Ат да турмайды бир териде.
- Къатын къылыкъсыз, эр тынчлыкъсыз.
- Зар адам ашынгы ашар, кесинги сатар.
- Адам боллукъ, атламындан белгили болур.
- Ач – эснер, ат – кишнер.
- Чакъырылмагъан къонакъ тёрге атламаз.
- Аш берме да, къаш бер.
- Кесинг сынамагъан затны, адамгъа буюрма.
- Кечеси – аяз, кюню – къыш, джарлы къаргъагъа бир аш тюш!
- Aдам боллукъ, сыфатындан белгили.
- Ашарыкъда сайлагъаннга – чий гырджын.
- Ёзденликни кёбю ётюрюк.
- Мураты болгъанны джюрек тебюую башхады.
- Тойгъан антын унутур.
- Рысхы – насыбха къор.
- Хата – гитчеден.
- Билим ат болуб да чабар, къуш болуб да учар.
- Эски джаугъа ышанма.
- Ашхы – джыяр, аман – джояр.
- Ашыкъгъан cуу, тенгизге джетмез.
- Ата Джуртча джер болмаз, туугъан элча эл болмаз.
- Билим къая тешер.
- Эринчекни аурууу – кёб.
- Къыйынлы джети элни къайгъысын этер.
- Эрине къаргъыш этген къатын, эрнин къабар.
- Бозанг болмагъан джерге, къалагъынгы сукъма.
- Къонакъ аман болса, къонакъбай джунчур
- Къоркъакъны кёзю экили кёрюр.
- Баш – акъыл ючюн, акъылман – халкъ ючюн.
- Ойнаб айтсанг да, эслеб айт.
- Башы джабылгъан челекге, кир тюшмез.
- Джашда акъыл джокъ, къартда къарыу джокъ.
- Тилсиз миллет джокъ болур.
- Аджаллыгъа окъсуз шкок атылыр.
- Байны оноуу, джарлыгъа джарамаз.
- Терслик кетер, тюзлюк джетер.
- Иги джашны ышаны – аз сёлешиб, кёб тынгылар.
Орайда (с) Магомет Хубиев
27.08.2011 00:37:31
ALANULAN
Увар кимди?))) |
|
|
|
17.09.2011 21:33:19
??
|
|
|
|
17.09.2011 21:33:51
Кстати тираж автора мизерный
|
||||
|
|
|||
Читают тему (гостей: 1)