Войти на сайт
23 Сентября  2019 года

 

  • Киштикге къанат битсе, чыпчыкъ къалмаз эди.
  • Мал ёлсе, сюек къалыр, адам ёлсе, иши къалыр.
  • Ата Джуртуму башы болмасам да, босагъасында ташы болайым.
  • Джерни букъусу кёкге къонмаз.
  • Ариу сёз аурууунгу алыр.
  • Билимсиз иш бармаз.
  • Хаухну атма, ёнгкючню сатма.
  • Чыкълы кюнде чыкъмагъан, чыкъса къуру кирмеген.
  • Аман киши кеси юйюнде – къонакъ.
  • Биреуню тёрюнден, кесинги эшик артынг игиди.
  • Эки къатын алгъанны къулагъы тынгнгаймаз.
  • Тыш элде солтан болгъандан эсе, кесинги элде олтан болгъан игиди!
  • Билимли ёлмез, билимсиз кёрмез.
  • Дженгил джетерикме деб, узун джолну къоюб, къысхасын барма.
  • Айтылгъан сёз ызына къайтмаз.
  • Эр сокъур болсун, къатын тилсиз болсун.
  • Телиге от эт десенг, юйюнге от салыр.
  • Джумушакъ терекни къурт ашар.
  • Кёзден кетген, кёлден да кетеди.
  • Джан саулукъ бермей, сан саулукъ бермезсе.
  • Окъугъан – асыу, окъумагъан – джарсыу.
  • Билгенни къолу къарны джандырыр.
  • Ауругъаннга – кийик саулукъ, джетген къызгъа – чилле джаулукъ.
  • Ойнай билмеген, оюн бузар.
  • Илму – джашауну джолу.
  • Aдам боллукъ, сыфатындан белгили.
  • Чакъырылмагъан къонакъ къачан кетерин сормаз.
  • Байлыкъдан саулукъ ашхыды.
  • Харам къарнашдан, халал тенг ашхы.
  • Бек ашыкъгъан меннге джетсин, дегенди аракъы.
  • Бюгюн дуния кибик, тамбла ахыратды.
  • Насыб бютеу халкъны юлюшюдю.
  • Мал кёб болса, джууукъ кёб болур.
  • Ушамагъан – джукъмаз.
  • Аякъларынгы джууургъанынга кёре узат.
  • Термилгенинги табмазса, кюлгенинге тюберсе.
  • Къоркъакъны кёзю экили кёрюр.
  • Айтханы чапыракъдан ётмеген.
  • Суугъа – таянма, джаугъа – ийнанма.
  • Ишлемеген – тишлемез.
  • Туз, гырджын аша, тюзлюк бла джаша.
  • Кёкдеги болмаса, джердегин кёрмейди.
  • Ашхы тенг джолгъа салыр, аман тенг джолдан тайдырыр.
  • Ашхы сёз таш тешер.
  • Ёмюрлюк шохлукъну джел элтмез.
  • Ауругъан – джашаудан умутчу.
  • Сибиртки да сыйлы болду, кюрек да кюнлю болду.
  • Кёл – къызбай, къол – батыр.
  • Гырджын – тепсини тамадасы.
  • От кюйдюрген, сау болса да, тот кюйдюрген, сау болмаз.

 

Страницы: 1
RSS
Орайда (с) Магомет Хубиев
 
ОРАЙДА

Орайда адет джырланы бир тюрлюсю болуб къалгъанды. Орайданы асламысына, келинни келтирирге бара, келинни алыб келе, келинни ауун алгъан кече, уллу юйге ющирген, чыгъаргъан заманда айтадыла. Кюеуню уллу юйге кийирселе да айтадыла орайданы. Келин алыб келген заманда орайданы ичинде ?ой алыб келебиз келинчикни? дегенча сёзле да айтыучандыла. Орайданы той-оюн да, келин, кюеу да болмагъанлай, айтханларын эшитирге да боллукъду.

Орайда къайдан чыкъгъан болур? Аны юсюнден та-лай тюрлю айтыу джюрюйдю. 1885-чи джыл Орусбийланы Исмаил согъуб, И. С. Танеев орайданы ноталарын джазгъанды. Орайданы юсюнден Танеев былай айтады. ?Кёб заманны мындан алда Къабартыда Увар деб кесини иги ишлери бла халкъда уллу намысы, сыйы болгъан бир адам джашагъанды. Ол къарт болуб ауругъанында, ол ёлгенден сора, атын унутмаз ючюн не этерикбиз деб, халкъ кенгешиб, кесине сорургъа таукел болгъандыла. Увар алагъа бюсюреу да этиб, аны атын унутмаз ючюн, келин келген къууанчда джыр джырлай туругъуз дегенди. Энди андан бери къабартылылада, таулулада (къарачайлыла бла малкъарлылада?М. X.) тегейлиледе келин келген кюн орайда айтадыла?.1

""1 - С. С. Попов. ?Неизданные сочинения С. И. Танеева? С И,, Танеев, Личность, творчество, документы его жизни. Москва, 1935, 150-бет. .""

Орайданы юсюнден X. У. Эльбердев да анга ушаш джазады. Алай а Эльбердев ол акъыллы къартны аты Уэри Даде болгъанды дейди.2 Бир къауумла да Орайда деген сёз Тьмутараканны бийи Мстислав бла тутуш-хан Редеди ёлгенинде, аны сыйы ючюн джырлаб ?Редеди? деб атын айта, орайда болуб кетгенди дейдиле. Редеди тиширыу болгъанды да дейдиле. Тмутараканны бийи Мстислав бла тутушхан джигит, огъурлу къабарты тиширыу Редедини сыйы ючюн келин алыб келе, джырлаб, ?Ва Ридада? деб эжиу этгендиле деб Н. А. Караулов алай джазады.3 Байрамукъланы Халимат ?Орайда? деген поэмасында таурухмуду, огъесе къачан эседамы эштгенме деб орайданы къайдан чыкъгъаныны юсюнден айтады. ?Аллахны келечиси? аскери бла Къарачайгъа келиб, кесине базыб муну бла ким тутушурукъду деб гёджебин чыгъаргъанды. Ол элде уа Орайда деб бир таулу къыз болгъанды. Ханны гёджеби бла тутушургъа Орайданы сюйгени Хасан чыкъгъанды. Алай а гёджеб Хасанны джыкъгъанды. Ол кёзюуде, киши да кёрмегенлей, Орайда алайдан кетиб, кесин билдирмей, эркишича кийиниб келиб, гёджеб бла тутушханды. Эрлай гёджебни да джыгъыб, кишиге кесин танытмаз ючюн а, атха да миниб, къачыб тебрегенди. Элни адамлары аны таныб, ызындан сюрюб, бери къайт, Орайда, деб къычыргъандыла:

Къайыт, Орайда,
Къайыт, Орайда,
Орайда-райда.
Орайданы бюгюн да
Къууанчда джырлайдыла.4


Орайданы чыкъгъаны бу айтылгьанладан башха тюрлю болургъа да боллукъду А. Марковну ?Заметка о припеве: ?Уреде-ди да-редедя? деген статьясына адам эс иерчады. XIX-чу ёмюрню биринчи джартысында орус джырланы джыя келиб, келин келген заманда джыр-ланнган ?Ой-реди-ди?, ? деб припеви бла бир джырны джазылгъанын айтады. Аллай припеви бла джыр Петербургу купецлерини тойларында джангыз бир болгъанды, Сибирде уа ол джыр тюрлю-тюрлю вариантлары бла джазылгъанды. Бу джыр Сибирден анда да Алтайны племеналарындан алыннган болур, аланы алгъыш джырларыны хар тизгйнинден сора ?орайды? деген припеви айтылады, вариантлада уа ?урей? деб Марков алай джазады.5 Эшта, орайда тюрк халкъладан чыкъгъан болур.

2 - Материалы научной сессии Кабардино-Балкарского научно-иследовательского института по проблемам периодизации, сбора и публикации адыгейского, балкарского, кабардинского, черкесского, карачаевского фольклора. Нальчик, 1964, 33-бет.
3 - Н. А. Караулов. ?Болкары на Кавказе?, СМОМПК, вып. XXXVI11, 1908, 146? 177-бетле.
4 - Орайда, Черкесск, 1963, 25 - бет.
5 - А.Марков. "Заметки о припеве", "Уре-де-ди-да-рередя". Этнографическое обозрение. ?1 - 2. Москва, 1899, 346 - бет.
 
райданы юсюнден Танеев былай айтады. ?Кёб заманны мындан алда Къабартыда Увар деб кесини иги ишлери бла халкъда уллу намысы, сыйы болгъан бир адам джашагъанды.
чистый комедия!!!!!!

и вообще ол керти болуб къалсада таулу адам аны къалай джазаргъа боллукъду джюзлебла чыгъарыкъ китабына???

малкъар бла къабартычыланы бир бирлеринден не излегенлерин ангылаялмагъанлай барама.
 
ALANULAN

Увар кимди?)))
 
??
 
Кстати тираж автора мизерный
Страницы: 1
Читают тему (гостей: 1)

 

Написать нам