- Адам сёзюнден белгили.
- Байны оноуу, джарлыгъа джарамаз.
- Адамны бетине къарама, адетине къара.
- Ач – эснер, ат – кишнер.
- Кёз – сюйген джерде, къол – ауругъан джерде.
- Дженгил джетерикме деб, узун джолну къоюб, къысхасын барма.
- Чомартха Тейри да борчлуду.
- Ишни ахырын ойламай, аллын башлама.
- Къар – келтирди, суу – элтди.
- Душманны тышы – акъ, ичи – къара.
- Аякъларынгы джууургъанынга кёре узат.
- Билим – акъылны чырагъы.
- Ашын ашагъанынгы, башын да сыйла.
- Ач бёрюге мекям джокъ.
- Халкъны джырын джырласанг, халкъ санга эжиу этер.
- Аш иеси бла татлыды.
- Туз, гырджын аша, тюзлюк бла джаша.
- Тик ёргени, тик энгишгеси да болады.
- Ашаса, ашамаса да, бёрюню ауузу – къан.
- Эм ашхы къайын ана мамукъ бла башынгы тешер.
- Ашарыкъда сайлагъаннга – чий гырджын.
- Шекер бла туз – бир болмаз, ушамагъан – юй болмаз.
- Малны кют, джерни тюрт.
- Кесине гебен этелмеген, биреуге черен эте эди.
- Агъач халкъгъа алтынды, иссиликге салкъынды.
- Иши джокъну, сыйы джокъ.
- Суу да къайтады чыкъгъан джерине.
- Тай асырагъан, атха минер.
- Ашыкъгъан cуу, тенгизге джетмез.
- Къолу уллу – асыу, аягъы уллу – джарсыу.
- Ашхы – джыяр, аман – джояр.
- Хунаны тюбюн къазсанг, юсюнге ауар.
- Ач уят къоймаз.
- Адеб базарда сатылмаз.
- Уллу атлама – абынырса, уллу къабма – къарылырса.
- Биреуню эскиси биреуге джангы болмайды.
- Ашатыргъа иш – ашхы, ишлетирге аш – ашхы.
- Джыйырма къойну юч джыйырма эбзе кюте эди.
- Ётюрюкню башын керти кесер.
- Ариу сёз – къылычдан джити.
- Тойгъа алгъа да барма, тойда артха да къалма.
- Гитче джилтин уллу элни джандырыр.
- Ач, тоймам, дейди, тойгъан, ач болмам, дейди.
- Тамырсыз терекге таянма – джыгъылырса.
- Къазанда болса, чолпугъа чыгъар.
- Къошда джокъгъа – юлюш джокъ.
- Къыз келсе, джумуш эте келеди, къатын келсе, ушакъ эте келеди.
- Шайтан алдады, тюзлюк къаргъады.
- Юреннген ауруу къалмаз.
- Кийимни бир кюнню аясанг, минг кюннге джарар.
Ислам динде джанлыланы суратларгъа нек джарамайды?
24.10.2010 23:24:14
ДжамагЪат, может нам лучше заняться другими полезными делами?
Образование, работа , здоровье... А как же, занимаемся |
|
|
|
Читают тему (гостей: 2)