- Сакъламагъан затынга джолукъсанг, не бек къууанаса, не бек ачыйса.
- Къыйынлы джети элге оноу этер.
- Ашыкъгъан cуу, тенгизге джетмез.
- Къыз тиширыу кеси юйюнде да къонакъды.
- Телиге от эт десенг, юйюнге от салыр.
- Алтыда кюлмеген, алтмышда кюлмез.
- Юйюнгден чыкъдынг – кюнюнгден чыкъдынг.
- Керилген да, ургъан кибикди.
- Бети къызарыучу адамны, джюреги харам болмаз.
- Эринчекни эр алмаз, эр алса да, кёл салмаз, кёл салса да, кёб бармаз!
- Ариу сёз – къылычдан джити.
- Ойнай билмеген, уруб къачар.
- Хансыз джомакъ болмаз.
- Ёмюрлюк шохлукъну джел элтмез.
- Иги адамны бир сёзю эки болмаз.
- Окъуу – билимни ачхычы, окъуу – дунияны бачхычы.
- Кёб къычыргъандан – къоркъма, тынч олтургъандан – къоркъ.
- Экеулен сёлеше тура эселе, орталарына барыб кирме.
- Эр сокъур болсун, къатын тилсиз болсун.
- Чакъырылмагъан къонакъ – орунсуз.
- Илму – джашауну джолу.
- Джол бла сёзню къыйыры джокъ.
- Тёрдеги кюлсе, эшикдеги ышарыр.
- Сабыр джетер муратха, сабырсыз къалыр уятха.
- Иги – алгъыш этер, аман – къаргъыш этер.
- Билимден уллу байлыкъ джокъду.
- Аджал соруб келмез, келсе, къайтыб кетмез.
- Къартха ушагъан джаш – акъыллы, джашха ушагъан къарт – тели.
- Башда акъыл болмаса, эки аякъгъа кюч джетер.
- Сормай – алма, чакъырылмай – барма.
- Айранын берсенг, челегин да къызгъанма.
- Юйюнг бла джау болгъандан эсе, элинг бла джау бол.
- Суу да къайтады чыкъгъан джерине.
- Бал чибинни ургъаны – ачы, балы – татлы.
- Ётюрюкню башын керти кесер.
- Тели турса – той бузар.
- Сёлеш деб шай берген, тохта деб, сом берген.
- Аууздан келген, къолдан келсе, ким да патчах болур эди.
- Ата Джуртча джер болмаз, туугъан элча эл болмаз.
- Дуния мал дунияда къалады.
- Ким бла джюрюсенг, аны кёзю бла кёрюнюрсе.
- Ёлмесенг да, къарт дамы болмазса?
- Къарнынг бла ёч алма.
- Кесинг сынамагъан затны, адамгъа буюрма.
- Бал ашаргъа сюе эсенг, чибин ургъаннга тёз.
- Рысхысына кёре, джаш ёсер, къышлыгъына кёре, мал ёсер.
- Адамны бетине къарама, адетине къара.
- Баланы адам этген анады.
- Экеу тутушса, биреу джыгъылыр.
- Къартны бурнун сюрт да, оноугъа тут.
Ислам динде джанлыланы суратларгъа нек джарамайды?
24.10.2010 23:24:14
ДжамагЪат, может нам лучше заняться другими полезными делами?
Образование, работа , здоровье... А как же, занимаемся |
|
|
|
Читают тему (гостей: 1)