Ёлген ийнек сютлю болур.
Джерни букъусу кёкге къонмаз.
Ашыкъгъан cуу, тенгизге джетмез.
Тилде сюек болмаса да, сюек сындырыр.
Ёксюзню тилеги къабыл болур.
Сангырау къулакъ эл бузар.
Суу да къайтады чыкъгъан джерине.
Нафысынгы айтханын этме, намысынгы айтханын эт.
Тамчы таш тешер.
Къызбайны юйюне дери сюрсенг, батыр болур.
Сютден ауузу кюйген, суугъа юфгюре эди.
Дуния мал дунияда къалады.
Къартны бурнун сюрт да, оноугъа тут.
Кесине гебен этелмеген, биреуге черен эте эди.
Джырчы джырчыгъа – къарнаш.
«Ма», - дегенни билмесенг, «бер», - дегенни билмезсе.
Ёмюрлюк шохлукъну джел элтмез.
Эм ашхы къайын ана мамукъ бла башынгы тешер.
Ачыу алгъа келсе, акъыл артха къалады.
Огъурлуну сёзю – суу, огъурсузну сёзю – уу.
Байлыкъ адамны сокъур этер.
Ышармагъан – кюлмез, кюлмеген – къууанчны билмез.
Сибиртки да сыйлы болду, кюрек да кюнлю болду.
Иги адамны бир сёзю эки болмаз.
Эки ойлашыб, бир сёлешген.
Ёлмесенг да, къарт дамы болмазса?
Къыз келсе, джумуш эте келеди, къатын келсе, ушакъ эте келеди.
Тойгъан джерге джети къайт.
Болджал ишни бёрю ашар.
Рысхы джалгъанды: келген да этер, кетген да этер.
Ауругъан – джашаудан умутчу.
Ач келгенни – тойдур, кеч келгенни – къондур.
Хаухну атма, ёнгкючню сатма.
Мал тутхан – май джалар.
Сабийни джумушха джибер да, ызындан бар.
Керек ташны ауурлугъу джокъ.
Къонакъ хазыр болгъанлыкъгъа, къонакъбай хазыр тюлдю.
Ата джурт – алтын бешик.
Окъ къызбайны джокълайды.
Чыкълы кюнде чыкъмагъан, чыкъса къуру кирмеген.
Окъугъан озар, окъумагъан тозар.
Эркиши – от, тиширыу – суу.
Сютню башын джалагъан къутулур, тюбюн ичген тутулур.
Чакъырылмагъан джерге барма, чакъырылгъан джерден къалма.
Хар сёзню орну барды.
Джашлыкъ этмеген, башлыкъ этмез.
Сормай – алма, чакъырылмай – барма.
Адам сёзге тынгыла, акъыл сёзню ангыла.
От этилмеген джерден тютюн чыкъмайды.
Джукъу тёшек сайламайды.
и хде? 