Узун джолну барсанг, бюгюн келирсе, къысха джолну барсанг, тамбла келирсе.
Тёгюлген тюгел джыйылмайды.
Ашхы болсанг, атынг чыгъар, аман болсанг, джанынг чыгъар.
Чалманны аллы къалай башланса, арты да алай барады.
Чомартха хар кюн да байрамды.
Джашда акъыл джокъ, къартда къарыу джокъ.
Экеулен сёлеше тура эселе, орталарына барыб кирме.
Аш иеси бла татлыды.
Къайтырыкъ эшигинги, къаты уруб чыкъма.
Ойнай билмеген, уруб къачар.
Иесиз малны бёрю ашар.
Башы ишлегенни, ауузу да ишлер.
Эски джаугъа ышанма.
Окъугъанны бети джарыкъ.
Намысы джокъну – дуниясы джокъ.
Уллу къазанда бишген эт, чий къалмаз.
Бир абыннган – минг сюрюнюр.
Кийимни бичсенг, кенг бич, тар этген къыйын тюлдю.
Ашхы адам – халкъ байлыгъы, ашхы джер – джашау байлыгъы.
Айраннга суу къош, телиге джол бош.
Тыш элде солтан болгъандан эсе, кесинги элде олтан болгъан игиди!
Адам боллукъ, атламындан белгили болур.
Башсыз урчукъ тюзюне айланмаз.
Къартны бурнун сюрт да, оноугъа тут.
Кесине оноу эте билмеген, халкъына да эте билмез.
Биреуню къыйынлыгъы бла кесинге джол ишлеме.
Адамны артындан къара сабан сюрме.
Ата джурт – алтын бешик.
Ат да турмайды бир териде.
Байлыкъдан саулукъ ашхыды.
Ата Джуртуму башы болмасам да, босагъасында ташы болайым.
Айырылгъанланы айю ашар, бёлюннгенлени бёрю ашар.
Ёгюзню мюйюзюнден тутадыла, адамны сёзюнден тутадыла.
Иги адамны бир сёзю эки болмаз.
Адеб этмеген, адеб кёрмез.
Джарлыны тону джаз битер.
Чакъырылмагъан къонакъ тёрге атламаз.
Бек анасы джыламаз.
Джаш къарыу бла кючлю, къарт акъыл бла кючлю.
Ашха уста, юйюнде болсун
Ашыкъгъанны этеги бутуна чырмалыр.
Кесине гебен этелмеген, биреуге черен эте эди.
Джауумдан сора, кюн кюйдюрюр, ётюрюкден сора, айыб кюйдюрюр.
Джарлы джети элни сёзюн этер.
Адамны джюреги нени кёрюрге сюйсе, кёзю да аны кёрюрге ёч болады.
Ойнай-ойнай кёз чыгъар.
Босагъа таш юйге кирмей эди, тыбыр таш эшикге чыкъмай эди.
Биреуге кёлтюрген таягъынг, кесинги башынга урур.
Рысхысына кёре, джаш ёсер, къышлыгъына кёре, мал ёсер.
Орундукъ тюбюнде атылсам да, орта джиликме, де да айлан.
и хде? 