Бёрю да ач къалмасын, эчки да ашалмасын.
Иги адам абынса да, джангылмаз.
Игилик игилик бла сингдирилиучю затды.
Тынгылагъан тынгы бузар.
Акъдан къара болмаз.
Шайтан алдады, тюзлюк къаргъады.
Ашда уялгъан – мухар, ишде уялгъан – хомух.
Уллу къашыкъ эрин джыртар.
Кёбден умут этиб, аздан къуру къалма.
Эр абынмай, эл танымаз.
Джумушакъ сёз къаты таякъны сындырыр.
Эринчекни эр алмаз, эр алса да, кёл салмаз, кёл салса да, кёб бармаз!
Айтханы чапыракъдан ётмеген.
Кёзю сокъурдан – къоркъма, кёлю сокъурдан – къоркъ.
Суугъа – чабакъ, къаягъа – ыргъакъ.
Ат да турмайды бир териде.
Ариу – кёзге, акъыл – джюрекге.
Къарт болгъан джерде, берекет болур, сабий болгъан джерде, оюн болур.
Байлыкъ келсе, акъыл кетер.
Адамны бетине къарама, адетине къара.
Ариу сёз – джаннга азыкъ, аман сёз – башха къазыкъ.
Джыйырма къойну юч джыйырма эбзе кюте эди.
Къызын тута билмеген, тул этер, джашын тута билмеген, къул этер.
Адеб базарда сатылмаз.
Сабий кёргенин унутмаз.
Къонакъ кёб келюучю юйню, къазаны отдан тюшмез.
Тойгъанлыкъ къойгъа джарашады.
Таякъ этден ётер, тил сюекден ётер.
Сакъламагъан затынга джолукъсанг, не бек къууанаса, не бек ачыйса.
Аман киши кеси юйюнде – къонакъ.
Ачлыкъда тары гырджын халыуадан татлы.
Ач къарынны, токъ билмез
Рысхы – насыбха къор.
Магъанасыз сёз – тауушсуз сыбызгъы.
Аууздан келген, къолдан келсе, ким да патчах болур эди.
Ишни ахырын ойламай, аллын башлама.
Нафысынгы айтханын этме, намысынгы айтханын эт.
Иги сёз – джаннга азыкъ, аман сёз башха – къазыкъ.
Термилгенинги табмазса, кюлгенинге тюберсе.
Ачлыкъ отха секиртир.
Кенгеш болса, уруш болмаз.
Кёб джат да, бек чаб.
Ашлыкъ – бюртюкден, джюн – тюкден.
Арпа, будай – ащды, алтын, кюмюш а – ташды.
Тойгъандан сора, ашны сёкме.
Джылар джаш, атасыны сакъалы бла ойнар.
Къозулугъунда тоймагъан, къойлугъунда тоймаз.
Чабакъ башындан чирийди.
Сибиртки да сыйлы болду, кюрек да кюнлю болду.
Бал чибинни ургъаны – ачы, балы – татлы.
и хде? 