Джылыгъа джылан илешир.
Къозулугъунда тоймагъан, къойлугъунда тоймаз.
Ариу – кёзге, акъыл – джюрекге.
Ашхы сёз таш тешер.
Уллу къашыкъ эрин джыртар.
Эки къатын алгъан – эки ташны ортасына башын салгъан.
Арпа, будай – ащды, алтын, кюмюш а – ташды.
Адеб базарда сатылмаз.
Ышармагъан – кюлмез, кюлмеген – къууанчны билмез.
Кюлме джашха – келир башха.
Рысхы джалгъанды: келген да этер, кетген да этер.
Иши джокъну, сыйы джокъ.
Айранын берсенг, челегин да къызгъанма.
Кесине гебен этелмеген, биреуге черен эте эди.
Ишлегенде эринме, ишде чолакъ кёрюнме.
Ауузу аманнга «иги», деме.
Байлыкъ болгъан джерде, тынчлыкъ джокъду.
Къонакъны къачан кетерин сорма, къачан келлигин сор.
Къарт болгъан джерде, берекет болур, сабий болгъан джерде, оюн болур.
Ач къарынны, токъ билмез
Атадан ёксюз – бир ёксюз, анадан ёксюз – эки ёксюз.
Ёмюрлюк шохлукъну джел элтмез.
Тай асырагъан, атха минер.
Адебсиз адам – джюгенсиз ат.
Бек анасы джыламаз.
Ач, тоймам, дейди, тойгъан, ач болмам, дейди.
Акъыл къартда, джашда тюйюлдю – башдады.
Чыкълы кюнде чыкъмагъан, чыкъса къуру кирмеген.
Чабакъсыз кёлге къармакъ салгъанлыкъгъа, чабакъ тутмазса.
Таукел къуру къалмаз.
Тешик этген тынчды, аны джамагъан къыйынды.
Татлы тилде – сёз ариу, чемер къолда – иш ариу.
Ач келгенни – тойдур, кеч келгенни – къондур.
Адеб джокъда, намыс джокъ.
Тюзню ётмеги тюзде къалса да, тас болмаз.
Эринчекге кюн узун.
Хатерли къул болур.
Эллинг бла джау болсанг да, юйюнг бла джау болма.
Мал кёб болса, джууукъ кёб болур.
Ёлмесенг да, къарт дамы болмазса?
Тил джюрекге джол ишлейди.
Аякъларынгы джууургъанынга кёре узат.
Тойгъа алгъа да барма, тойда артха да къалма.
Билген билмегенни юретген адетди.
Эр сокъур болсун, къатын тилсиз болсун.
Эли джокъну – кёлю джокъ.
Джюз элде джюз ёгюзюм болгъандан эсе, джюз джууугъум болсун.
Джаш къарыу бла кючлю, къарт акъыл бла кючлю.
Мухардан ач ычхынмаз.
Таш бла ургъанны, аш бла ур.
и хде? 