Аш хазыр болса, иш харам болур.
Олтуруб кёрюнмей эди да, ёрге туруб кёрюне эди.
Ашхылыкъ джерде джатмайды, аманлыкъ суугъа батмайды.
Телини эшигин, махтау джабар.
Эри аманны, къатыны – аман.
Элде адам къалмаса, ит тахтагъа минер.
Атлыны ашхысы, ат тизгининден билинир
Дуния малгъа сатылма, кесингден телиге къатылма.
Аурууну келиую тынч, кетиую – къыйын.
«Ёгюз, джаргъа джууукъ барма, меннге джюк боллукъса», - дегенди эшек.
Къарнынг бла ёч алма.
Къартха ушагъан джаш – акъыллы, джашха ушагъан къарт – тели.
Бёрю да ач къалмасын, эчки да ашалмасын.
Тил – миллетни джаны.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Тойгъанлыкъ къойгъа джарашады.
Адам туугъан джеринде, ит тойгъан джеринде.
Ана кёлю – балада, бала кёлю – талада.
Сагъышы джокъ – джукъучу, акъылы джокъ – къаугъачы.
От кюйдюрген, сау болса да, тот кюйдюрген, сау болмаз.
Нарт сёз къарт болмаз.
Ата джурт – алтын бешик.
Къарнынг ауруса, ауузунгу тый
Джарлы эскисин джамаса, къууаныр.
Билимсиз иш бармаз.
Аллахдан тилесенг, кёб тиле.
Къазанчы аман болса, къазаны къайнамаз.
Къыйынлы джети элни къайгъысын этер.
Намысы болмагъанны, сыйы болмаз.
Хоншуну тауугъу къаз кёрюнюр, келини къыз кёрюнюр.
Хатерли къул болур.
Тёзгеннге, джабылгъан эшик ачылыр.
Магъанасыз сёз – тауушсуз сыбызгъы.
Этни да ашады, бетни да ашады.
Аман киши кеси юйюнде – къонакъ.
Киштикге къанат битсе, чыпчыкъ къалмаз эди.
Гырджын – тепсини тамадасы.
Мен да «сен», дейме, сен да «кесим», дейсе.
Тюзлюк шохлукъну бегитир.
Элге къуллукъ этмеген, элге ие болмаз.
Ишге юренсин къоллары, халкъ бла болсун джоллары.
Джогъун бар этген, барын бал этген.
Къозулугъунда тоймагъан, къойлугъунда тоймаз.
Ханнга да келеди хариблик.
Къонагъы джокъну – шоху джокъ.
Акъылсызны джууукъгъа алма, акъыллыны кенгнге салма.
Джылыгъа джылан илешир.
Кёзден кетген, кёлден да кетеди.
Къазанны башы ачыкъ болса, итге уят керекди.
Къобан да къуру да къобханлай турмайды, адам да къуру да патчахлай турмайды.
и хде? 