Артына баргъанны, къатына барма.
Итли къонакъ джарашмаз.
Джаз бир кюнню джатсанг, къыш талай кюнню абынырса.
Игини сыйлагъан адетди.
Ышармагъан – кюлмез, кюлмеген – къууанчны билмез.
Биреу ашаб къутулур, биреу джалаб тутулур.
Къонагъы джокъну – шоху джокъ.
Ишни аллы бла къууанма да, арты бла къууан.
Этек чакъмакълары баш джаргъан, сёлешген сёзлери таш джаргъан.
Чёбню кёлтюрсенг, тюбюнден сёз чыгъар.
Джерни букъусу кёкге къонмаз.
Иши джокъну, сыйы джокъ.
Джюрек кёзден алгъа кёрюр.
Юйлю уругъа ит чабмаз.
Кесинг сынамагъан затны, адамгъа буюрма.
Кютгени беш эчки, сызгъыргъаны уа, джерни джарады.
Ашхылыкъ джерде джатмайды, аманлыкъ суугъа батмайды.
Ашлыкъ – бюртюкден, джюн – тюкден.
Аджал соруб келмез, келсе, къайтыб кетмез.
Тиширыусуз юй – отсуз от джагъа.
Кёрмегеннге кебек – танг, битмегеннге сакъал – танг.
Арбаз къынгырды да, ийнек сауалмайма.
Биреуге кёлтюрген таягъынг, кесинги башынга урур.
Тюзлюк шохлукъну бегитир.
Ишлемеген – тишлемез.
Таукел тауну аудурур.
Баш – акъыл ючюн, акъылман – халкъ ючюн.
Шайтан алдады, тюзлюк къаргъады.
Чакъырылгъанны аты, чакъырылмагъанны багъасы болур.
Тойгъан антын унутур.
Тешигини къатында, чычхан да батыр болур.
Танг атмайма десе да, кюн къоярыкъ тюйюлдю.
Башда акъыл болмаса, эки аякъгъа кюч джетер.
Ишлерге уял да, ашаргъа табма.
Къызын тута билмеген, тул этер, джашын тута билмеген, къул этер.
Ётюрюкню башын керти кесер.
Джолунга кёре – джюрюшюнг, джагъанга кёре – юлюшюнг.
Тюзню ётмеги тюзде къалса да, тас болмаз.
Къазанда болса, чолпугъа чыгъар.
Хата – гитчеден.
Таукел адам тау тешер.
Элиб деген, элге болушур.
Азыкълы ат арымаз, къатыны аман джарымаз.
Атлыны кёрсе, джаяуну буту талыр.
Тёрени джагъы джокъ.
Чомартха хар кюн да байрамды.
Къонагъынгы артмагъын алма да, алгъышын ал.
Кёзню ачылгъаны – иги, ауузну джабылгъаны – иги.
Гитче джилтин уллу элни джандырыр.
Адам туугъан джеринде, ит тойгъан джеринде.
и хде? 