Ёлюр джаннга, ёкюл джокъ.
Къуллукъчума, деб махтанма, къуллукъ – хаух джамчыды!
Уллу сёзде уят джокъ.
Бойнуму джети джерден кессенг да, мен ол ишни этеллик тюлме.
Тамчы таш тешер.
Юй ишлеген балта эшикде къалыр.
Байны къызы баймакъ болса да, юйде къалмаз!
Къолу уллу – асыу, аягъы уллу – джарсыу.
Тешигини къатында, чычхан да батыр болур.
Тилчи тилден къаныкъмаз.
Адам бла мюлк юлешмеген эсенг, ол адамны билиб бошагъанма, деб кесинги алдама.
Айранны сюйген, ийнек тутар.
Юйюнг бла джау болгъандан эсе, элинг бла джау бол.
Къууут – джелге, берне – бошха.
Биреуню эскиси биреуге джангы болмайды.
Сагъышы джокъ – джукъучу, акъылы джокъ – къаугъачы.
Тай асырагъан, атха минер.
Бал ашаргъа сюе эсенг, чибин ургъаннга тёз.
Ач къарынны, токъ билмез
Келинни – келгинчи, бёркню кийгинчи кёр.
Ариу сёз аурууунгу алыр.
Мал ёлсе, сюек къалыр, адам ёлсе, иши къалыр.
Тилчиден кери бол.
Къарт болгъан джерде, берекет болур, сабий болгъан джерде, оюн болур.
Бозаны арты дауур болур.
Тешик этген тынчды, аны джамагъан къыйынды.
Сёз – кюмюш, джыр – алтын.
Айтылгъан буйрукъ, сёгюлмез
Иги – алгъыш этер, аман – къаргъыш этер.
Къонакъ болсанг, ийнакъ бол.
Чомартны къолун джокълукъ байлар.
Адамны артындан къара сабан сюрме.
Джукъу тёшек сайламайды.
От этилмеген джерден тютюн чыкъмайды.
Къартны бурнун сюрт да, оноугъа тут.
Бал – татлы, балдан да бала – татлы.
Джахил болса анасы, не билликди баласы?
Къыз тиширыу кеси юйюнде да къонакъды.
Бети бедерден, намыс сакълама.
Адам къыйынлыгъын кёлтюрюр, зауукълугъун кёлтюрмез.
Татлы сёз – балдан татлы.
Нарт сёз къарт болмаз.
Намысы джокъну – дуниясы джокъ.
Ата Джуртча джер болмаз, туугъан элча эл болмаз.
Ариу джол аджал келтирмез.
Аманны эки битли тону болур, бирин сеннге кийдирир, бирин кеси киер.
Гугурук къычырмаса да, тангны атары къалмаз.
Билим ат болуб да чабар, къуш болуб да учар.
Туз, гырджын аша, тюзлюк бла джаша.
Ашхы атаны – джашы ашхы, ашхы ананы – къызы ашхы.
и хде? 