- Бойнуму джети джерден кессенг да, мен ол ишни этеллик тюлме.
- Эшекге миннген – биринчи айыб, андан джыгъылгъан – экинчи айыб.
- Ёгюзню мюйюзлери ауурлукъ этмейдиле.
- Ойнай-ойнай кёз чыгъар.
- Окъуу – билимни ачхычы, окъуу – дунияны бачхычы.
- Акъыллы – эл иеси, тели – эл баласы.
- Бал ашаргъа сюе эсенг, чибин ургъаннга тёз.
- Термилгенинги табмазса, кюлгенинге тюберсе.
- Суу да къайтады чыкъгъан джерине.
- Оюмсуз атлагъан, аджалсыз ёлюр.
- Ишин билген, аны сыйын чыгъарады.
- Адебсиз адам – джюгенсиз ат.
- Рысхысына кёре, джаш ёсер, къышлыгъына кёре, мал ёсер.
- Къыз келсе, джумуш эте келеди, къатын келсе, ушакъ эте келеди.
- Абынмазлыкъ аякъ джокъ, джангылмазлыкъ джаякъ джокъ.
- Элде адам къалмаса, ит тахтагъа минер.
- Итли къонакъ джарашмаз.
- Къазанны башы ачыкъ болса, итге уят керекди.
- Биреуню къыйынлыгъы бла кесинге джол ишлеме.
- Уруну арты – къуру.
- Билмейме деген – бир сёз
- Мал кёб болса, джууукъ кёб болур.
- Ышармагъан – кюлмез, кюлмеген – къууанчны билмез.
- Нарт сёз къарт болмаз.
- Кийим тукъум сордурур.
- Иги сеники эсе да, сюйген кесимикин этеме.
- Минг тенг да азды, бир джау да кёбдю.
- Соргъан айыб тюлдю, билмеген айыбды.
- Байлыкъ тауусулур, билим тауусулмаз.
- Кюл тюбюндеги от кёрюнмейди.
- «Ёгюз, джаргъа джууукъ барма, меннге джюк боллукъса», - дегенди эшек.
- Эринчекни эр алмаз, эр алса да, кёл салмаз, кёл салса да, кёб бармаз!
- Адам сёзге тынгыла, акъыл сёзню ангыла.
- Къонакъны къачан кетерин сорма, къачан келлигин сор.
- Адам сёзюнден белгили.
- Бет бетге къараса, бет да джерге къарар.
- Уллу атлама – абынырса, уллу къабма – къарылырса.
- Аджашхан тёгерек айланыр.
- Дуния мал дунияда къалады.
- Агъач халкъгъа алтынды, иссиликге салкъынды.
- Кёз – сюйген джерде, къол – ауругъан джерде.
- Зарда марда джокъ.
- Къызбайны юйюне дери сюрсенг, батыр болур.
- Аманнга да, игиге да оноусуз къатышма.
- Келинни – келгинчи, бёркню кийгинчи кёр.
- Душманны тышы – акъ, ичи – къара.
- Къартны сыйын кёрмеген, къартлыгъында сыйлы болмаз.
- Ёмюрлюк шохлукъну джел элтмез.
- Суугъа – таянма, джаугъа – ийнанма.
- Тёгюлген тюгел джыйылмайды.