- Намыс сатылыб алынмайды.
- Арпа, будай – ащды, алтын, кюмюш а – ташды.
- Ашыкъгъанны этеги бутуна чырмалыр.
- Байны оноуу, джарлыгъа джарамаз.
- Халкъгъа джарагъан, джарлы къалмаз.
- Билим къая тешер.
- Чыбыкълыкъда бюгюлмеген, къазыкълыкъда бюгюлмей эди.
- Мухарны эси – ашарыкъда.
- Къарнынг тойгъунчу аша да, белинг талгъынчы ишле.
- Ёзденликни кёбю ётюрюк.
- Айран тёгюлсе, джугъусу къалыр.
- Къулакъдан эсе, кёзге ышан.
- Кеси юйюмде мен да ханма.
- Адеб этмеген, адеб кёрмез.
- Аман хансны – урлугъу кёб.
- Тил бла келеди джыр да.
- Азыкълы ат арымаз, къатыны аман джарымаз.
- Окъ къызбайны джокълайды.
- Тамырсыз терекге таянма – джыгъылырса.
- Тойгъандан сора, ашны сёкме.
- Къонакъ хазыр болгъанлыкъгъа, къонакъбай хазыр тюлдю.
- Ачлыкъда тары гырджын халыуадан татлы.
- Ариу джол аджал келтирмез.
- Къумурсхала джыйылсала, пилни да джыгъадыла.
- Тюзлюк шохлукъну бегитир.
- Кёпюр салгъан кеси ётер, уру къазгъан кеси кетер.
- Эрни эр этерик да, къара джер этерик да, тиширыуду.
- Гыдай эчки суугъа къараб, мюйюзле кёрмесе, джашма алкъын, дегенди.
- Тау башында, тау болмаз, джангыз терек, бау болмаз.
- Чыкълы кюнде чыкъмагъан, чыкъса къуру кирмеген.
- Къонагъы джокъну – шоху джокъ.
- Сабий кёргенин унутмаз.
- Таш бла ургъанны, аш бла ур.
- Джукъу тёшек сайламайды.
- Ана кёлю – балада, бала кёлю – талада.
- Ашда – бёрю, ишде – ёлю.
- Ачыкъ джюрекге джол – ачыкъ.
- Къалгъан ишге къар джауар.
- Аманнга алтын чыдамаз.
- Ач да бол, токъ да бол – намысынга бек бол.
- Бюгюн дуния кибик, тамбла ахыратды.
- Таула не мийик болсала да, аууш табылыр.
- Байлыкъ болгъан джерде, тынчлыкъ джокъду.
- Аз сёлешген, къайгъысыз турур.
- Къыйынлы джети элге оноу этер.
- Бир онгсуз адам адет чыгъарды, деб эштирик тюлсе.
- Аллахдан тилесенг, кёб тиле.
- Ана къойну – балагъа джандет.
- Тойгъан джерден туугъан джер игиди.
- Эллинг бла джау болсанг да, юйюнг бла джау болма.
