- Этни да ашады, бетни да ашады.
- Онгсузну – джакъла, тенгликни – сакъла.
- Хар адамгъа кеси миннген тау кибик.
- Къонакъ аман болса, къонакъбай джунчур
- Атлыны ашхысы, ат тизгининден билинир
- Окъугъан озар, окъумагъан тозар.
- Мухардан ач ычхынмаз.
- Бет бетге къараса, бет да джерге къарар.
- Ёлмесенг да, къарт дамы болмазса?
- Ариуну – ауруу кёб.
- Ауурну тюбю бла, дженгилни башы бла джюрюген.
- Окъуусуз билим – джокъ, билимсиз кюнюнг – джокъ.
- Ашхы адам – халкъ байлыгъы, ашхы джер – джашау байлыгъы.
- Тюз сёз баргъан сууну тыяр.
- Эм ашхы къайын ана мамукъ бла башынгы тешер.
- Бек анасы джыламаз.
- Мадар болса, къадар болур.
- Билмегенинги, билгеннге сор.
- Ханнга да келеди хариблик.
- Джырчы ёлсе, джыры къалыр.
- Биреуню къыйынлыгъы бла кесинге джол ишлеме.
- Тешигини къатында, чычхан да батыр болур.
- Игиге айтсанг – билир, аманнга айтсанг – кюлюр.
- Чомартха хар кюн да байрамды.
- Къонакъ аз олтурур, кёб сынар.
- Кийим тукъум сордурур.
- Ата Джуртуму башы болмасам да, босагъасында ташы болайым.
- Босагъа таш юйге кирмей эди, тыбыр таш эшикге чыкъмай эди.
- Ач отунчуну ачыуу – бурнунда.
- Эрни эр этерик да, къара джер этерик да, тиширыуду.
- Сакъалы текени да бар, мыйыгъы киштикни да бар.
- Адам туугъан джеринде, ит тойгъан джеринде.
- Этни бети бла шорпасы.
- Эринчекни эр алмаз, эр алса да, кёл салмаз, кёл салса да, кёб бармаз!
- Уллу къазанда бишген эт, чий къалмаз.
- Акъыллы – эл иеси, тели – эл баласы.
- Кёзден кетген, кёлден да кетеди.
- Иши джокъну, сыйы джокъ.
- Тойчу джашха къарама, къойчу джашха къара.
- Къонагъынгы артмагъын алма да, алгъышын ал.
- Бал чибинни ургъаны – ачы, балы – татлы.
- Татлы тилде – сёз ариу, чемер къолда – иш ариу.
- Ачлыкъда тары гырджын халыуадан татлы.
- Байлыкъ болгъан джерде, тынчлыкъ джокъду.
- Тойгъан джерден туугъан джер игиди.
- Къайгъы тюбю – тенгиз.
- Керилген да, ургъан кибикди.
- Ёзденликни джайгъан – джокълукъ.
- Къарт айтханны этмеген, къартаймаз.
- Азыгъы аз, алгъа къабар, аты аман, алгъа чабар.
