- Юй кюйдю да, кюйюз чыкъды, ортасындан тюйюш чыкъды.
- Айыбны суу бла джууалмазса.
- Арба аугъандан сора, джол кёргюзтюучю кёб болур.
- Хоншуну тауугъу къаз кёрюнюр, келини къыз кёрюнюр.
- Кёзю сокъурдан – къоркъма, кёлю сокъурдан – къоркъ.
- Насыб бютеу халкъны юлюшюдю.
- Бичгенде ашыкъма, тикгенде ашыкъ.
- Бермеген къол, алмайды.
- Ариу сёз – джаннга азыкъ, аман сёз – башха къазыкъ.
- Намыс болмагъан джерде, насыб болмаз.
- Ёмюрлюк шохлукъну джел элтмез.
- Къартны бурнун сюрт да, оноугъа тут.
- Эм уллу байлыкъ – джан саулукъ.
- Аджаллыгъа окъсуз шкок атылыр.
- Ариу – кёзге, акъыл – джюрекге.
- От кюйдюрген, сау болса да, тот кюйдюрген, сау болмаз.
- Ишге юренсин къоллары, халкъ бла болсун джоллары.
- Эринчекни эр алмаз, эр алса да, кёл салмаз, кёл салса да, кёб бармаз!
- Тюзню ётмеги тюзде къалса да, тас болмаз.
- Сабий кёргенин унутмаз.
- Ёлюр джаннга, ёкюл джокъ.
- Эри аманны, къатыны – аман.
- Акъыллы башны – тили къысха.
- Гугук кесини атын айтыб къычыргъанча, мен, мен деб нек тураса?
- Халкъгъа джарагъан, джарлы къалмаз.
- Джаным-тиним – окъуу, билим.
- Джашлыкъ этмеген, башлыкъ этмез.
- Сууда джау джокъ, кёб сёзде магъана джокъ.
- Адеб джокъда, намыс джокъ.
- Баш – акъыл ючюн, акъылман – халкъ ючюн.
- Ачны эсинде – аш.
- Экиндини кеч къылсанг, чабыб джетер ашхам.
- Игилик игилик бла сингдирилиучю затды.
- Билмейме деген – бир сёз
- Адамны бетине къарама, адетине къара.
- Билими азны – ауузунда кирит.
- Ариу сёз аурууунгу алыр.
- Биреу ашаб къутулур, биреу джалаб тутулур.
- Аш иеси бла татлыды.
- Башда акъыл болмаса, эки аякъгъа кюч джетер.
- Ёгюзню мюйюзюнден тутадыла, адамны сёзюнден тутадыла.
- Ач бёрюге мекям джокъ.
- Ханы къызы буюгъа-буюгъа киштик болду.
- Ашхы адам – халкъ байлыгъы, ашхы джер – джашау байлыгъы.
- Мал тутхан – май джалар.
- «Ма», - дегенни билмесенг, «бер», - дегенни билмезсе.
- Таш ата билмеген, башына урур.
- Азыгъы аз, алгъа къабар, аты аман, алгъа чабар.
- Ёзденликни джайгъан – джокълукъ.
- Ауругъанны сау билмез, ач къарынны токъ билмез.
