Къыйынлы джети элге оноу этер.
Джеринден айырылгъан – джети джылар, джуртундан айырылгъан – ёлгюнчю джылар.
Баланы адам этген анады.
Телиге от эт десенг, юйюнге от салыр.
Азыгъы аз, алгъа къабар, аты аман, алгъа чабар.
Ёзденликни кёбю ётюрюк.
Уруну арты – къуру.
Чомарт джарлы болмаз.
Атынг аманнга чыкъгъандан эсе, джанынг тамагъынгдан чыкъсын.
Ат басханны джер билед.
Тилсиз миллет джокъ болур.
Кийиминг бла танылма, адамлыкъ бла таныл.
Аллахха ийнаннган кишини, Аллах онгдурур ишин.
Иги сеники эсе да, сюйген кесимикин этеме.
Элде адам къалмаса, ит тахтагъа минер.
Таш ата билмеген, башына урур.
Джарлы джети элни сёзюн этер.
Ойнай билмеген, оюн бузар.
Адеб этмеген, адеб кёрмез.
Джогъун бар этген, барын бал этген.
Ариу сёз – джаннга азыкъ, аман сёз – башха къазыкъ.
Таякъ этден ётер, тил сюекден ётер.
Кёбню кёрген – кёб билир.
Эр сокъур болсун, къатын тилсиз болсун.
Тойчу джашха къарама, къойчу джашха къара.
Адамны аманы адамны бети бла ойнар.
Ашаса, ашамаса да, бёрюню ауузу – къан.
Тёрде – темир таякълы, къаяда – чыпчыкъ аякълы.
Термилгенинги табмазса, кюлгенинге тюберсе.
Къолунгдан къуймакъ ашатсанг да, атаны борчундан къутулмазса.
Хантына кёре тузу, юйюне кёре къызы.
Эки къатын алгъанны къулагъы тынгнгаймаз.
Ач бёрюге мекям джокъ.
Гитче джилтин уллу элни джандырыр.
Сабий болмагъан джерде, мёлек болмаз.
Къайгъы тюбю – тенгиз.
Мухарны эси – ашарыкъда.
Ариу сёз джыланны орнундан чыгъарыр.
Ашхы сёз таш тешер.
Чёбню кёлтюрсенг, тюбюнден сёз чыгъар.
Сормай – алма, чакъырылмай – барма.
Къобан да къуру да къобханлай турмайды, адам да къуру да патчахлай турмайды.
Къазанда болса, чолпугъа чыгъар.
Ашхы болсанг, атынг чыгъар, аман болсанг, джанынг чыгъар.
Дженгил джетерикме деб, узун джолну къоюб, къысхасын барма.
Сёз сёзню айтдырыр.
Биреуню къыйынлыгъы бла кесинге джол ишлеме.
Ишленмеген джаш – джюгенсиз ат, ишленмеген къыз – тузсуз хант.
Тиширыусуз юй – отсуз от джагъа.
Уллу суу бла уллу ауруудан башынгы сакъла.
.