Тамбла алтындан бюгюн багъыр ашхы.
Эки итни арасына сюек атма, эки адамны арасында сёз чыгъарма.
Башланнган иш битер, къымылдагъан тиш тюшер.
Арыгъан къош чамчы болур.
Атынг аманнга чыкъгъандан эсе, джанынг тамагъынгдан чыкъсын.
Ёлмесенг да, къарт дамы болмазса?
Кенгеш болса, уруш болмаз.
Ариу сёз – къылычдан джити.
Къатын къылыкъсыз, эр тынчлыкъсыз.
Кёз – сюйген джерде, къол – ауругъан джерде.
Ашыкъгъанны этеги бутуна чырмалыр.
Ачлыкъда тары гырджын халыуадан татлы.
Къазанчы аман болса, къазаны къайнамаз.
Иши джокъну, сыйы джокъ.
Джаш болсун, къыз болсун, акъылы, саны тюз болсун.
Акъыл неден да кючлюдю.
Ёлген аслан – сау чычхан.
Эки къатын алгъан – эки ташны ортасына башын салгъан.
Арбаз сайлама да, хоншу сайла.
Аджашханны ызындагъы кёреди, джангылгъанны джанындагъы биледи.
Ашарыкъда сайлагъаннга – чий гырджын.
Чёбню кёлтюрсенг, тюбюнден сёз чыгъар.
Джылыгъа джылан илешир.
Азыгъы аз, алгъа къабар, аты аман, алгъа чабар.
Ач бёрюге мекям джокъ.
Башсыз урчукъ тюзюне айланмаз.
Ауругъаннга – кийик саулукъ, джетген къызгъа – чилле джаулукъ.
Тик ёргени, тик энгишгеси да болады.
Болджал ишни бёрю ашар.
Асхат ашлыкъ сата, юйдегиси ачдан къата.
Бозаны арты дауур болур.
Джумушакъ сёз къаты таякъны сындырыр.
Джюз элде джюз ёгюзюм болгъандан эсе, джюз джууугъум болсун.
Игилик игилик бла сингдирилиучю затды.
Джашда акъыл джокъ, къартда къарыу джокъ.
Шекер бла туз – бир болмаз, ушамагъан – юй болмаз.
Джылкъыдан – ат чыгъар, тукъумдан – джаш чыгъар.
Ёзденликни кёбю ётюрюк.
Азыкъ аз болса, эртде орун сал.
Эл ауузу – элия.
Ётюрюкден тюбю джокъ, кёлтюрюрге джиби джокъ.
Къызын тута билмеген, тул этер, джашын тута билмеген, къул этер.
Кёл ашады да, кеси ашады.
Кёб джат да, бек чаб.
Къууут – джелге, берне – бошха.
Ариу джол аджал келтирмез.
Къызны минг тилер, бир алыр.
Уясында не кёрсе, учханында аны этер.
Адам сёзюнден белгили.
Берекет берсин деген джерде, берекет болур.
.