Терслик кетер, тюзлюк джетер.
Этим кетсе да, сюегим къалыр.
Акъыл къартда, джашда тюйюлдю – башдады.
Эркиши – от, тиширыу – суу.
Орну джокъну – сыйы джокъ.
Уллу айтханны этмеген – уллаймаз.
Тойгъандан сора, ашны сёкме.
Джахил болса анасы, не билликди баласы?
Башынга джетмегенни сорма.
Тилчи бир сагъатха айлыкъ хата этер.
Аджаллыгъа окъсуз шкок атылыр.
Къайгъыны сюйген, къайгъы табар.
Къызгъанчдан ычхыныр, мухардан ычхынмаз.
Сёз къанатсыз учар.
Джырына кёре эжиую.
Кирсизни – саны таза, халалны – къаны таза.
Хар зат кесини орнуна иги.
Эрни эр этерик да, къара джер этерик да, тиширыуду.
Ата Джуртун танымагъан, атасын да танымаз.
Душманны тышы – акъ, ичи – къара.
Ышармагъан – кюлмез, кюлмеген – къууанчны билмез.
Ачлыкъда тары гырджын халыуадан татлы.
Эртде тургъан бла эртде юйленнген сокъуранмаз.
Ауузу аманнга «иги», деме.
Джюрекден джюрекге джол барды.
Адеби болмагъан къыз – тузсуз хант.
Суу ичген шауданынга тюкюрме.
Аман къатын алгъан, арыр, иги къатын алгъан джарыр.
Эки ойлашыб, бир сёлешген.
Эринчекге кюн узун.
Билим ат болуб да чабар, къуш болуб да учар.
Аурууну келиую тынч, кетиую – къыйын.
Уллу сёлешме да, уллу къаб.
Ёлюр джаннга, ёкюл джокъ.
Ашхылыкъ джерде джатмайды, аманлыкъ суугъа батмайды.
Ойнаб айтсанг да, эслеб айт.
Уясында не кёрсе, учханында аны этер.
Келинни – келгинчи, бёркню кийгинчи кёр.
Чакъырылмагъан къонакъ – орунсуз.
Джарлы тюеге минсе да, ит къабар.
Кёкдеги болмаса, джердегин кёрмейди.
Эрине къаргъыш этген къатын, эрнин къабар.
Баш – акъыл ючюн, акъылман – халкъ ючюн.
Айраннга суу къош, телиге джол бош.
Соргъан айыб тюлдю, билмеген айыбды.
«Ма», - дегенни билмесенг, «бер», - дегенни билмезсе.
Ашха уста, юйюнде болсун
Ариу сёз джыланны орнундан чыгъарыр.
Тели турса – той бузар.
Джашлыкъ этмеген, башлыкъ этмез.
.