Расширенный поиск
19 Августа  2019 года
Логин: Регистрация
Пароль: Забыли пароль?
  • Шекер бла туз – бир болмаз, ушамагъан – юй болмаз.
  • Байлыкъ келсе, акъыл кетер.
  • Эрни эр этерик да, къара джер этерик да, тиширыуду.
  • Сабийликде юретмесенг, уллу болса – тюзелмез.
  • Адебни адебсизден юрен.
  • Уллу айтханны этмеген – уллаймаз.
  • Байны къызы баймакъ болса да, юйде къалмаз!
  • Уруну арты – къуру.
  • Бозаны арты дауур болур.
  • Билим насыб берир, билим джолну керир.
  • Билмейме деген – бир сёз
  • Рысхы джалгъанды: келген да этер, кетген да этер.
  • Къызгъанчдан ычхыныр, мухардан ычхынмаз.
  • Иги сеники эсе да, сюйген кесимикин этеме.
  • Насыблы элин сюер, насыбсыз кесин сюер.
  • Уясында не кёрсе, учханында аны этер.
  • Бермеген къол, алмайды.
  • Башсыз урчукъ тюзюне айланмаз.
  • Туз, гырджын аша, тюзлюк бла джаша.
  • Ашаса, ашамаса да, бёрюню ауузу – къан.
  • Бир онгсуз адам адет чыгъарды, деб эштирик тюлсе.
  • От этилмеген джерден тютюн чыкъмайды.
  • Къарнынг ауруса, ауузунгу тый
  • Билмегенинги, билгеннге сор.
  • Къызбайны юйюне дери сюрсенг, батыр болур.
  • Окъугъан – асыу, окъумагъан – джарсыу.
  • Кёкдеги болмаса, джердегин кёрмейди.
  • Зар адам ашынгы ашар, кесинги сатар.
  • Намысы болмагъанны, сыйы болмаз.
  • Байдан умут эте, джарлыдан ёгюз багъасы къорады.
  • Тили узунну, намысы – къысха.
  • Къарыусузгъа кюлме, онгсузгъа тийме.
  • Аман киши кеси юйюнде – къонакъ.
  • Кенгеш болса, уруш болмаз.
  • Джылар джаш, атасыны сакъалы бла ойнар.
  • Къобан да къуру да къобханлай турмайды, адам да къуру да патчахлай турмайды.
  • Къанны къан бла джуума, аманны аман бла къуума.
  • Бал ашаргъа сюе эсенг, чибин ургъаннга тёз.
  • Билген билмегенни юретген адетди.
  • Къумурсхала джыйылсала, пилни да джыгъадыла.
  • Кимни – тили, тиши онглу, кимни – къолу, иши онглу.
  • Къайгъы тюбю – тенгиз.
  • Баш – акъыл ючюн, акъылман – халкъ ючюн.
  • Тил бла келеди джыр да.
  • Биреуню эскиси биреуге джангы болмайды.
  • Джангыз терек къынгыр ёсер.
  • Хаухну атма, ёнгкючню сатма.
  • Ариу – кёзге, акъыл – джюрекге.
  • Этек чакъмакълары баш джаргъан, сёлешген сёзлери таш джаргъан.
  • Булут кёкге джарашыу, уят бетге джарашыу.