- Къыз келсе, джумуш эте келеди, къатын келсе, ушакъ эте келеди.
- Ауругъанны сау билмез, ач къарынны токъ билмез.
- Сютден ауузу кюйген, суугъа юфгюре эди.
- Арба аугъандан сора, джол кёргюзтюучю кёб болур.
- Бастасын ашагъан, хантусун да ичер.
- Баргъанынга кёре болур келгенинг.
- Тенгинг джокъ эсе – изле, бар эсе – сакъла!
- Азыкълы ат арымаз, къатыны аман джарымаз.
- Ашаса, ашамаса да, бёрюню ауузу – къан.
- Къарын къуру болса, джюрек уру болур.
- Окъдан джара эртде-кеч болса да бителир, сёз джара, ёмюрге къалыр.
- Билими азны – ауузунда кирит.
- Онгсузну – джакъла, тенгликни – сакъла.
- Джыгъылгъанны сырты джерден тоймаз.
- Хаухну атма, ёнгкючню сатма.
- Джашынгы кесинг юретмесенг, джашау юретир.
- Ач, тоймам, дейди, тойгъан, ач болмам, дейди.
- Атлыны кёрсе, джаяуну буту талыр.
- Нёгер болсанг, тенг бол, тенг болмасанг, кенг бол.
- Кечеси – аяз, кюню – къыш, джарлы къаргъагъа бир аш тюш!
- Халкъны юйю – туугъан джери.
- Иши джокъну, сыйы джокъ.
- Иги адам абынса да, джангылмаз.
- Джаш къарыу бла кючлю, къарт акъыл бла кючлю.
- Эр абынмай, эл танымаз.
- Кенгеш болса, уруш болмаз.
- Экеу тутушса, биреу джыгъылыр.
- Иги сеники эсе да, сюйген кесимикин этеме.
- Сакъламагъан затынга джолукъсанг, не бек къууанаса, не бек ачыйса.
- Билмегенинги, билгеннге сор.
- Бир абыннган – минг сюрюнюр.
- Къыйынлы джети элге оноу этер.
- Аман адам этегингден тутса, кес да къач.
- Тюзлюк тас болмайды.
- Бек ашыкъгъан меннге джетсин, дегенди аракъы.
- Этни да ашады, бетни да ашады.
- Джаным-тиним – окъуу, билим.
- Ётюрюк хапар аякъ тюбю бла джюрюйдю.
- Ётюрюкчюню шагъаты – къатында.
- Къазанны башы ачыкъ болса, итге уят керекди.
- Джангыз терек къынгыр ёсер.
- Къартны сыйын кёрмеген, къартлыгъында сыйлы болмаз.
- Чоюнну башы ачыкъ болса, итге уят керекди.
- Адамны сабийин сюйген джюреги, бычакъча, джитиди.
- Тилчи бир сагъатха айлыкъ хата этер.
- Аш хазыр болса, иш харам болур.
- Нарт сёз къарт болмаз.
- Аз сёлеш, кёб ишле.
- Кесинг сынамагъан затны, адамгъа буюрма.
- Кёрмегеннге кебек – танг, битмегеннге сакъал – танг.