- Ач да бол, токъ да бол – намысынга бек бол.
- Бети бедерден, намыс сакълама.
- Кютгени беш эчки, сызгъыргъаны уа, джерни джарады.
- Ким бла джюрюсенг, аны кёзю бла кёрюнюрсе.
- Кёл – къызбай, къол – батыр.
- Къозулугъунда тоймагъан, къойлугъунда тоймаз.
- Кёзю сокъурдан – къоркъма, кёлю сокъурдан – къоркъ.
- Хоншуну тауугъу къаз кёрюнюр, келини къыз кёрюнюр.
- Аджаллыгъа окъсуз шкок атылыр.
- Чакъырылмагъан къонакъ – орунсуз.
- Ачыкъ джюрекге джол – ачыкъ.
- Нёгер болсанг, тенг бол, тенг болмасанг, кенг бол.
- Тау башында, тау болмаз, джангыз терек, бау болмаз.
- Бети – къучакълар, джюреги – бычакълар.
- Таугъа чыгъаллыкъ эсенг, тюзде къалма.
- Таш бла ургъанны, аш бла ур.
- Чомартха хар кюн да байрамды.
- Бойнуму джети джерден кессенг да, мен ол ишни этеллик тюлме.
- Айранын берсенг, челегин да къызгъанма.
- Ариу – кёзге, акъыл – джюрекге.
- Бек анасы джыламаз.
- Ашда – бёрю, ишде – ёлю.
- Намыс сатылыб алынмайды.
- Уллу суу бла уллу ауруудан башынгы сакъла.
- Адамны сабийин сюйген джюреги, бычакъча, джитиди.
- Миллетни бойну – базыкъ, аны бла кюрешген – джазыкъ.
- Берекет берсин деген джерде, берекет болур.
- Эшекге миннген – биринчи айыб, андан джыгъылгъан – экинчи айыб.
- Бал – татлы, балдан да бала – татлы.
- Байлыкъдан саулукъ ашхыды.
- Окъдан джара эртде-кеч болса да бителир, сёз джара, ёмюрге къалыр.
- Булут кёкге джарашыу, уят бетге джарашыу.
- Сёз садакъдан кючлюдю.
- Сакъ юйюне сау барыр.
- Сютден ауузу кюйген, суугъа юфгюре эди.
- Кёбню кёрген – кёб билир.
- Адам сёзге тынгыла, акъыл сёзню ангыла.
- Ишлегенден, къарагъан уста.
- Эски джаугъа ышанма.
- Къазанда болса, чолпугъа чыгъар.
- Таукел адам тау тешер.
- Ёлюк кебинсиз къалмаз.
- Къая джолда джортма, ачыкъ сёзден къоркъма.
- Рысхы – сют юсюнде кёмюк кибикди.
- Акъдан къара болмаз.
- Джюз элде джюз ёгюзюм болгъандан эсе, джюз джууугъум болсун.
- Уллу атлама – абынырса, уллу къабма – къарылырса.
- Биреу ашаб къутулур, биреу джалаб тутулур.
- Чомартны къолу берекет.
- Ариу джол аджал келтирмез.
мар
|