- Джиби бир къат джетмей эди да, эки къат тарта эди.
- Ана къойну – балагъа джандет.
- Тюзлюк шохлукъну бегитир.
- Юйлю уругъа ит чабмаз.
- Джангыз терек къынгыр ёсер.
- Айырылгъанланы айю ашар, бёлюннгенлени бёрю ашар.
- Джаш къарыу бла кючлю, къарт акъыл бла кючлю.
- Башы ишлегенни, ауузу да ишлер.
- Биреуню къыйынлыгъы бла кесинге джол ишлеме.
- Джерни букъусу кёкге къонмаз.
- Садакъачыны джаны – къапчыгъында.
- Къонакъ аман болса, къонакъбай джунчур
- Хар сёзню орну барды.
- Тойну къарнашы – харс, джырны къарнашы – эжиу.
- Ханы къызы буюгъа-буюгъа киштик болду.
- Чыбыкълыкъда бюгюлмеген, къазыкълыкъда бюгюлмей эди.
- Джарлыны тону джаз битер.
- Кеси юйюмде мен да ханма.
- Аджашхан тёгерек айланыр.
- Эл ауузу – элия.
- Кюлме джашха – келир башха.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Кёб къычыргъандан – къоркъма, тынч олтургъандан – къоркъ.
- Билгенни къолу къарны джандырыр.
- Джуртун къоругъан озар.
- Алим болгъандан эсе, адам болгъан къыйынды.
- Аз сёлешген, къайгъысыз турур.
- Насыб бютеу халкъны юлюшюдю.
- Огъурлуну сёзю – суу, огъурсузну сёзю – уу.
- Миллетни бойну – базыкъ, аны бла кюрешген – джазыкъ.
- «Ёгюз, джаргъа джууукъ барма, меннге джюк боллукъса», - дегенди эшек.
- Ана къолу ачытмаз.
- Танг атмайма десе да, кюн къоярыкъ тюйюлдю.
- Кёл – къызбай, къол – батыр.
- Кесинг сынамагъан затны, адамгъа буюрма.
- Аш кетер да бет къалыр.
- Байдан умут эте, джарлыдан ёгюз багъасы къорады.
- Ёмюрлюк шохлукъну джел элтмез.
- Киштикге къанат битсе, чыпчыкъ къалмаз эди.
- Агъач халкъгъа алтынды, иссиликге салкъынды.
- Къая джолда джортма, ачыкъ сёзден къоркъма.
- Тик ёргени, тик энгишгеси да болады.
- Акъыл неден да кючлюдю.
- Рысхысына кёре, джаш ёсер, къышлыгъына кёре, мал ёсер.
- Мураты болгъанны джюрек тебюую башхады.
- Нарт сёз – тилни бети.
- Биреуню тёрюнден, кесинги эшик артынг игиди.
- Тау башында, тау болмаз, джангыз терек, бау болмаз.
- Къарнынг къанлынга кийирир.
- Эки ойлашыб, бир сёлешген.