Эльбрусоид :: Эльбрусоид

Биреу къой излей, биреу той излей.
Ашхы адам – халкъ байлыгъы, ашхы джер – джашау байлыгъы.
Джыгъылгъанны сырты джерден тоймаз.
Сёз къанатсыз учар.
Акъыл къартда, джашда тюйюлдю – башдады.
Зар адам ашынгы ашар, кесинги сатар.
Хар зат кесини орнуна иги.
Иесиз малны бёрю ашар.
Тура эдим джата, къайдан чыкъды хата?
Тюзню ётмеги тюзде къалса да, тас болмаз.
Джаш къарыу бла кючлю, къарт акъыл бла кючлю.
Дуния мал дунияда къалады.
Таш бла ургъанны, аш бла ур.
Этни бети бла шорпасы.
Ач келгенни – тойдур, кеч келгенни – къондур.
Аууздан келген, къолдан келсе, ким да патчах болур эди.
Ишни аллы бла къууанма да, арты бла къууан.
Рысхысына кёре, джаш ёсер, къышлыгъына кёре, мал ёсер.
Чыбыкълыкъда бюгюлмеген, къазыкълыкъда бюгюлмей эди.
Ата Джуртча джер болмаз, туугъан элча эл болмаз.
Акъыл аздырмаз, билим тоздурмаз.
Билмегенинги, билгеннге сор.
Чомартны къолун джокълукъ байлар.
Къралынгы – душмандан, башынгы от бла суудан сакъла.
Аджашханны ызындагъы кёреди, джангылгъанны джанындагъы биледи.
Тюкюрюк баш джармаз, налат кёз чыгъармаз!
Айырылгъанланы айю ашар, бёлюннгенлени бёрю ашар.
Онгсузну – джакъла, тенгликни – сакъла.
Эки къатын алгъанны къулагъы тынгнгаймаз.
Джюрек кёзден алгъа кёрюр.
Сёз – кюмюш, джыр – алтын.
Чыкълы кюнде чыкъмагъан, чыкъса къуру кирмеген.
Билген билмегенни юретген адетди.
Аз сёлешген, къайгъысыз турур.
Кийимни бир кюнню аясанг, минг кюннге джарар.
Къууут – джелге, берне – бошха.
Джеринден айырылгъан – джети джылар, джуртундан айырылгъан – ёлгюнчю джылар.
Термилгенинги табмазса, кюлгенинге тюберсе.
Тил джюрекге джол ишлейди.
Къартны бурнун сюрт да, оноугъа тут.
Джарлы тюеге минсе да, ит къабар.
Ариу – кёзге, акъыл – джюрекге.
Хар адамгъа кеси миннген тау кибик.
Байны оноуу, джарлыгъа джарамаз.
Адамны джюреги нени кёрюрге сюйсе, кёзю да аны кёрюрге ёч болады.
Итли къонакъ джарашмаз.
Кюлме джашха – келир башха.
Ариу сёз – къылычдан джити.
Ёлген аслан – сау чычхан.
Адеб базарда сатылмаз.